English | عربی | Kurdî دواهەواڵ
ڕاستەوخۆ  
 
كۆبوونه‌وه‌ى شاندی وه‌زاره‌تی به‌رگری ئه‌ڵمانیا له‌گه‌ڵ بریكاری وه‌زاره‌تى پێشمه‌رگه‌ به‌رێوه‌چوو
2019-10-20 [11:57 AM]

ZNA- هه‌ولێر


وه‌زاره‌تى پێشمه‌رگه‌ى هه‌رێمی كوردستان بڵاوی كرده‌وه‌ كه‌ئه‌مڕۆ 20ی ئۆكتۆبه‌ری 2019 له‌ دیوانی وه‌زاره‌ت، سه‌ربه‌ست له‌زگین بریكاری وه‌زاره‌تی پێشمه‌رگه‌، پێشوازیی له‌ شاندێكی یاسایی وه‌زاره‌تی به‌رگری ئه‌ڵمانیا كرد، كه‌ پێكهاتبوون له‌ ستیڤان سۆم جێگری بەشی یاسایی لە وەزارەتی بەرگری ئەڵمانیای فیدراڵ و دانا لۆتس راوێژکاری یاسایی لە وەزارەتی بەرگری ئەڵمانیای فیدراڵ.

رایده‌گه‌یه‌نن ، له‌ كۆبوونه‌وه‌یه‌كدا، كه‌ حاكم دێده‌وان نه‌قشبه‌ندی سه‌رۆكی دادگای سه‌ربازی 1ی وه‌زاره‌تی پێشمه‌رگه‌ ئاماده‌یبوو، وێڕای باسكردنی په‌یوه‌ندییه‌كانی نێوان كوردستان و ئه‌ڵمانیا به‌ تایبه‌تی له‌ رووی سه‌ربازییه‌وه‌و جه‌ختكردنه‌وه‌ له‌سه‌ر به‌رده‌وامبوونی هه‌ماهه‌نگی نێوان سوپای ئه‌ڵمانیاو هێزی پێشمه‌رگه‌، هاوكات گفتوگۆیان سه‌باره‌ت به‌ بواری یاسایی و دادگای سه‌ربازی كردو، هه‌ردوولا بایه‌خپێدان و دروستكردنی په‌یوه‌ندی و هه‌مانگییان له‌م بواره‌دا به‌ گرنگ زانی.

له‌ كۆتایی كۆبوونه‌وه‌كه‌شدا، بریكاری وه‌زاره‌تی پێشمه‌رگه‌ ئاماده‌یی وه‌زاره‌تی بۆ پاڵشتی و هاوكاری شانده‌ یاساییه‌كه‌ی وه‌زاره‌تی به‌رگری ئه‌ڵمانیا ده‌ربڕی.





ئەم هەواڵە 2509جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad