English | عربی | Kurdî دواهەواڵ
ڕاستەوخۆ  
 
په‌رله‌مان به‌دواداچوون بۆ کێشەی کەسوکاری ئەنفالکراوان دەکات
2019-10-22 [11:34 AM]

ZNA-هەولێر


سەرۆکی لیژنەی کاروباری شەھیدان لە پەرلامانی ھەرێمی کوردستان ڕای دەگەیەنێت خەریکی بەدواداچوونین بۆ چارەسەکردنی کێشەی کرێی خوێندنی کەسوکاری شەھیدان و ئەنفالکراوان و زیندانیانی سیاسی.

سەوسەن محەمەد سەرۆکی لیژنەی کاروباری شەھیدان و جینۆساید و زیندانیانی سیاسی لە پەرلەمانی کوردستان لە پرێس کۆنفرانسێکدا رای گەیاند: "دوای بەدواداچوونمان لەسەر پرس و کێشە و گرفتەکانی کەسوکاری شەھیدان و زیندانیانی سیاسی لە وەزارەتی شەھیدان و بەڕێوەبەرایەتییەکان ئەمڕۆ سەردانی وەزارەتی داراییمان کرد، بەتایبەت لەو ماوەیەدا کۆمەڵێک لە زیندانیانی سیاسی یاداشتیکیان ئاڕاستەی لیژنەکەمان کردووە و داوای ماف و ئیمتیازاتی خۆیان کردووە.

گوتیشی: "ھەفتەی رابردوو سەردانی وەزارەتی شەھیدانمان کر و تەواوی ئەو کێشە و گرفتانەمان لەگەڵ وەزارەتی شەھیدان باس کرد، ئەمڕۆش سەردانی وەزارەتی داراییمان کرد و لەسەر ئەو بابەتە، چونکە وەزارەتی دارایی بە جۆرێک لە جۆرەکان پەیوەستە بەو بابەتە".

ئەوەشی خستە ڕوو: "دوای دانیشتنێکی لەگەڵ وەزیری دارایی تێگەیشتنی باش ھەبوو لە نێوانمان بۆ ئەوەی دەر‌چەیەک بۆ چارەسەری ئەو کێشانە بدۆزینەوە، وەڵامەکانی وەزیری دارایی دڵخۆشکەر بوون، لەو چوارچێوەیەشدا ھەماھەنگی باش لە نێوان لیژنەکەمان و وەزارەتی دارایی و وەزارەتی بۆ ئەوەی بتوانین تەواوی ماف و ئیمتیازاتی کەسوکاری شەھیدان و ئەنفالکراوان و زیندانیانی سیاسی دابین بکەین و ئەو کێشانەی ھەیانە چارەسەری بکەین".

سەوسەن محەمەد: "تا ئێستا کێشەی دارایی ھەیە و ئەو کێشەیە چارەسەر نەبونە ، بەڵام وەزیری دارایی ئاماژەی بۆ ئەوە کرد ئەوان لە دەرچەیەک دەگەڕێن بۆ چارەسەری ئەو کێشانە".

گوتیشی: "ئێمە داکۆکی لە مافەکانی کەسوکاری شەھیدان و ئەنفالکراوان و زیندانیانی سیاسی دەکەین، بە تایبەت ئەو خوێندکارانەی لە کرێی خوێندن بێبەشن، بۆ ئەم مەبەستەش لەگەڵ لایەنە پەیوەندیدارەکان لە پەیوەندی بەردەوامین".

سەرۆکی لیژنەی کاروباری شەھیدان و جینۆساید و زیندانیانی سیاسی راشی گەیاند: "وەزیری دارایی باسی لەوھش کرد پێشنیارەکان کۆ بکەینەوە بۆ ئەوەی بزانین چەند خوێندکار لە کرێی خوێندن بێبەشن و بڕی چەند پارەی پێویستە بۆ ئەوەی ئەو کێشەیە چارەسەر بکرێت و کرێی خوێندنیان بۆ دابین بکرێت".





ئەم هەواڵە 2776جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad