English | عربی | Kurdî دواهەواڵ
ڕاستەوخۆ  
 
لێژنەی شەهیدانی په‌رله‌مان سەبارەت بە کێشە و گرفتەکانی قوتابیانى کوڕ و کچی شەهید سەردانی وەزارەتی پەروەردەیان کرد
2019-10-28 [04:11 AM]

ZNA-هەولێر


بەمەبەستی بەدواداچوون بۆ کێشە و گرفتەکانی ئەو قوتابیانەی کە کوڕ و کچی شەهیدانن، لێژنەی کاروباری شەهیدان و قوربانیانی جینۆساید و زیندانیانی سیاسی بە سەرۆکایەتی سوسن محمد میرخان سەرۆکی لێژنە و بە یاوەری ژیان تاهیر جێگری سەرۆکی لێژنە و ژمارەیەک لە ئەندامان و راوێژکارانی لێژنەکە سەردانی وەزارەتی پەروەردەیان کرد و لەلایەن ئالان حەمەسەعید وەزیری پەروەردەی حکومەتی هەرێمی کوردستان پێشوازییان لێکرا.

لە کۆبوونەوەیەکدا کە لە تەلاری وەزارەتی پەروەردەی حکومەتی هەرێمی کوردستان بەرێوەچوو، تیشکخرایە سەرکێشەکانی ئەو قوتابیانەی کە کوڕ و کچی شەهیدن وجەخت لەسەر چارەسەرکردنی کێشە وگرفتەکانی بەردەم خوێندنیان کرایەوە، لەلایەکی ترەوە سەرۆک و ئەندامانی لێژنەی کاروباری شەهیدان پێشنیازیانکرد کە بابەتی جینۆسایدی کوردستان بخرێتە نێو پڕۆگرامی خوێندن و لە قۆناغە جیاوازەکاندا بخوێندرێن بۆ ئەوەی ئەو کارەساتانەی رووبەرووی خەڵکی کوردستان بوونەتەوە دووبارە نەبنەوە و لە بیرنەکرێن و نەوەکانی داهاتوومان بەو کارەساتانە ئاگادار بکرێنەوە .

لەلایەن خۆیەوە وەزیری پەروەردەی حکومەتی هەرێمی کوردستان وێرای بەخێرهێنانی لێژنەی کاروباری شەهیدان لە پەرلەمانی کوردستان هاوکات پشتیوانی خۆی بۆ داواکارییەکانی لێژنەکە دەربڕی و هیوای خواست لە داهاتووشدا هاوکار و هەماهەنگی کارەکانی یەکتر ببن و زیاتر خزمەت بە کوڕ و کچی شەهیدان بگەیەنن.

 





ئەم هەواڵە 2605جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad