English | عربی | Kurdî دواهەواڵ
ڕاستەوخۆ  
 
فه‌ره‌نسا: ره‌نگه‌ داعش هه‌وڵی تۆڵه‌كردنه‌وه‌ بدات
2019-10-28 [05:11 AM]

ZNA – هه‌ولێر


وەزیری ناوخۆی فەرەنسا هۆشداری لە ئەگەری هێرشی داعش دەدات و رایدەگەیەنێت، رەنگە داعش ھەوڵی تۆڵەكردنەوەی كوژرانی خەلیفەكەیان بدەن.

لە نامەیەکیدا بۆ پۆلیسی فەرەنسا کریستوف کاستانیر وەزیری ناوخۆی فەرەنسا، داوا دەکات هۆشیاربن بۆ رێگرتن لە هەر هێرشێکی داعش کە رەنگە وەکو توڵەکردنەوە لە بەرامبەر کوشتنی خەلیفەی داعش ئەبوبەکر بەغدادی ئەنجامی بدەن.

وەزیری ناوخۆی فەرەنسا لە نامەکەیدا دەڵێت "رەنگە داعش هەوڵەکانی چڕ بکاتەوە بۆ هێرشی تۆڵەکردنەوە، بۆیه‌ داواتان لێدەکەم لە بەرزترین ئاستی هۆشیاردابن، بە تایبەت لە رێورەسمە گشتییەکان دا".

ئەم ھۆشداریەی وەزیری ناوخۆی فەرەنسا دوای ئەوەدێت كە دوێنێ 27/10/2019، كوژرانی ئەبوبەكر بەغدادی خەلیفەی داعش راگەیاندرا، كە لە ئوپەراسیۆنێكی ھێزەكانی ئەمەریكا لە سووریا كوژرا.

دۆناڵد ترەمپ سەرۆكی ئەمەریكا لە وتارێكدا بەوبۆنەیەوە گوتی: "به‌غدادی له‌ تونێلێكدا دۆزرایه‌وه‌ و گه‌یشته‌ كۆتایی تونێله‌كه‌ و خۆی كوشت و منداڵه‌كانیشی كوشت و جه‌سته‌كه‌ی له‌ تونێله‌كه‌ مایه‌وه"‌.

 





ئەم هەواڵە 5020جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad