English | عربی | Kurdî دواهەواڵ
ڕاستەوخۆ  
 
پۆلۆنیا... نوێنەرایەتی حكومەتی ھەرێم كۆنسێرتێك ڕێكدەخات
2019-10-30 [09:22 AM]

ZNA - هه‌ولێر



 لە میانەی كۆنفرانسێكی زانستی نێودەولەتی بەبۆنەی تێپەڕبوونی ١٠٠ ساڵ لەسەر دەمەزراندنی خوێندنی ڕۆژھەڵاتناسی لە زانكۆی یاگیلۆنیان ، زیاد رەئووف نوێنەری حكومەتی ھەرێمی كوردستان لە پۆلۆنیا ھەموو بەشدارانی كۆنفرانسەكەی، كە زیاتر لە ١٥٠ ڕۆژھەڵاتناس و توێژەری پۆلۆنی و عەرەب و تورك و ئیرانی و زانستانی وڵاتانی تری جیھان و ھەندێك لە دیپلۆماتكاران لەنێویان باڵوێزی ئیماراتی عەرەبی و كۆنسولی گشتی ئۆكراینا بانگھێشت كرد بۆ كۆنسێرتێكی مۆسیقای كوردی و نانخواردنی ئێوارە.
لەسەرەتا كۆمەڵێك لە ڕەوەند و قوتابیانی كوردستانی، بەشێكیان بە جلوبەرگی كودی پێشوازیان لە میوانان كرد و نوێنەری حكومەتی ھەرێم لە ووتارێكدا بەخێراتنی كردن و سوپاسی ئامادەبووانی كرد بۆ توێژینەكانیان لە بواری ڕۆژھەڵاتناسی لەوكاتە ھەستیارەی كە ھەموو ڕۆژھەڵات و بەتایبەت ڕۆژھەڵاتی ناوەڕاست پێی تێپەڕدەبێ و لەھەموو كات زیاتر پێویست ھەیە بە لەیەكتێگەیشتن و دیالۆگ و پێكەوە ژیان. سوپاسێكی تایبەتی زانكۆی یاگیلۆنیانی كرد بۆ كردنەوەی كوردەلۆجی و گرینگی دانیان بە زمان و كولتوری كوردستان، ھەروەھا بۆ ھاوكاری و ھەماھەنگی زانكۆی ناوبراو لەگەڵ زانكۆكانی ھەرێمی كوردستان .
لای خۆیەوە ڕاگری بەشی ڕۆژھەڵاتناسی زانكۆی یاگیلۆنیان لە ووتارێكدا سوپاسی نوێنەری حكومەتی ھەرێمی كوردستانی كرد بۆ دەستپێشخەریەكەی و ڕێكخستنی ئەو كۆنسێرتەو بانگھێشتكردنی بەشداربووان بۆ نانخواردنی ئێوارە و ناساندنی كەلتورو مۆسیقای ڕەسەنی كوردی.
ھەروەھا سوپاسێكی زۆری بەڕێزیانی كرد بۆ زیاتر لە بیست ساڵ ھەماھەنگی و یارمەتیدانی بەشی ڕۆژھەڵاتناسی زانكۆی یاگیلۆنیان لە كراكۆڤ .
دواتر تیپی مۆسیقا و گۆرانی '' سیانەی هەمەدان''  بەبەشداری هونەرمەندی ناسراو سەعدوڵڵا نەسیری کۆنسێرتێکی موسیقا و گۆرانی کوردی پێشكەشكرد و ئامادەبووانی سەرسام كرد.
پاشان ئامادەبووان لەكاتی نانخواردنی ئێوارە دەرفەتیان بوو زیاتر یەكتر بناسن و ئاڵوگۆڕی ڕاو بۆچونیان بكەن لەسەر بارودۆخی كوردستان و ڕۆژھەڵاتی ناوەڕاست .
شایەنی باسە لە ڕۆژی یەكەمی كۆنفرانسەكە لە سەرەتای مەراسیمی دەستپێكردنی،بەڕێز سوڵتان بن محمد القاسمی بەشدار بوو وە مەدالیای زێڕی زانكۆی یاگیلۆنیانی پێ بەخشرا . سەرۆكی زانكۆ بەڕێز ڤۆیچیخ نۆڤاك لە ووتارەكەی لە كاتی بەخێرھاتنكردنی نوێنەری حكومەتی ھەرێمی كوردستان ئاماژەی بە بارودۆخی سوریاو ڕۆژئاوا كرد و گوتی نابێ جیھان ڕێگا بدا كورد وا موعامەلە بكرێ و دیسان تووشی كارەسات بێ





ئەم هەواڵە 1540جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad