English | عربی | Kurdî دواهەواڵ
ڕاستەوخۆ  
 
وەزیری بازرگانی عێراق: داخستنی بەندەرەکانی عێراق کاریگەری لەسەر هاتنی خۆراک دەبێ
2019-11-03 [06:01 AM]

ZNA- هه‌ولێر


وەزیری بازرگانی عێراق رایگەیاند داخستنی بەندەرەکانی باشووری عێراق لەلایەن خۆپیشاندەرانەوە کاریگەری نەرێنی لەسەر هاتنی خۆراک دەبێ کە پێویستە بۆ بەشە خۆراکی مانگانە.

 

محەممەد هاشم عانی، وەزیری بازرگانی عێراق رۆژی شەممە 2-11-2019 رایگەیاند "چەند کەشتییەک هەن، کە بە برنج و خۆراکی دیکە بارکراون تایبەت بۆ وەزارەتی بازرگانی، پرۆسەی بەتاڵکردنیان دواکەوت بەهۆی داخستنی بەندەرەکان ئەمەش تێچووی لەسەر عێراق زۆرە، چونکە وەزارەتی بازرگانی گرێبەستی لەگەڵ کۆمپانیاکان و کەشتییەکان هەیە بە کات و وادەی دیاریکراو بۆ بارکردن و داگرتن".

 

محەممەد هاشم عانی بە جەختکردنەوە لەوەی داواکارییەکانی خۆپیشاندەران رەوان گوتی: "وەزارەت بە هاوکاری لیژنەی حکومەت کاری بۆ جێبەجێکردنیان کردووە، بۆیە لێرەوە داوا لە خۆپیشاندەران دەکەین بەرژەوەندی گەل دووچاری مەترسی نەکەن، بەتایبەت ئەم کەشتییانە خۆراکیان بارکردووە بۆ هاووڵاتیان".

 

خۆپیشاندەران سێشەممەی رابردوو لە بەندەری ئوم قەسر لە باشووری عێراق گردبوونەوە و مانگرتنیان راگەیاند. چەند رۆژێکە رێگاکانی بەندەرەکەیان داخستووە وەک ناڕەزایەتییەک بەرامبەر بەکارهێنانی هێز دژیان لەلایەن هێزە ئەمنییەکانی عێراقەوە.

 

هاوکات کۆمیسیۆنی باڵای مافەکانی مرۆڤ لە عێراق رایگەیاند "بەهۆی پێکدادان لەنێوان هێزە ئەمنییەکان و خۆپیشاندەران لە بەندەری ئوم قەسر لە پارێزگای بەسرە 120 کەس بەهۆی ئاراستەکردنی بۆمبی گازی فرمێسکڕێژ لەلایەن هێزە ئەمنییەکانەوە دژی خۆپیشاندەران و تەقەکردن بۆ بڵاوەپێکردنیان گەیەندراونەتەوە نەخۆشخانەکان".

 

هەروەها عەلی ئەکرەم بەیاتی، گوتەبێژی کۆمیسیۆنی باڵای مافەکانی مرۆڤ لە عێراق رایگەیاند "لە سەرەتای دەستپێکردنی خۆپیشاندانەکان تاوەکو ئێستا ژمارەی کوژراون گەیشتووەتە 264 کوژراو و نزیکەی 12 هەزار بریندار هەن".

 

بەندەری ئوم قەسر تاکە بەندەری عێراقە لەسەر دەریا و دەروازیەکی سەرەکی عێراقە بۆ هەناردەکردنی نەوت و هاوردەکردنی خۆراک و کەلوپەل.





ئەم هەواڵە 1216جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad