English | عربی | Kurdî دواهەواڵ
ڕاستەوخۆ  
 
 سەرۆکوەزیرانی بەریتانیا داوای لێبووردن دەکات
2019-11-03 [11:20 AM]

Z.N.A



ئەمڕۆ یەکشەممە، بۆریس جۆنسن سەرۆکوەزیرانی بەریتانیا، داوای لێبووردنی لە ئەندامانی پارتی پارێزگاران کرد کە دەنگیان بۆ داوە تاوەکو ببێتە سەرۆکی پارتەکە، بەڵام ئەو نەیتوانیوە لە 31ـی ئۆکتۆبەردا بەریتانیا لە یەکێتی ئەوروپا بباتە دەرەوە.
 
جۆنسن پێشتر بەڵێنی دابوو کە بە هەرشێوەیەک بێت لە 31ـی ئۆکتۆبەردا برێکزیت ئەنجامدەدات، بەڵام وادەی برێکزیت دواکەوت و بەو هۆیەوە نیگەرانی خۆی دەربڕی و پەرلەمانی وڵاتەکەی تۆمەتبارکرد.
 
وادەی ئەنجامدانی برێکزیت دواخراوە بۆ 31ـی کانوونی دووەم و جۆنسن دەڵێت، دواخستنەکە زۆر ئازار بەخشە.
 
هاوکات سەرۆکی پارتی لیبراڵ دیموکراتی بەریتانیا رایگەیاند، ئەوان دەتوانن برێگزیت بوەستێنن و رێککەوتنی برێکزیت هەر لە سەرەتادا مردوو بووە. 
 
لەچوارچێوەی دەستپێکردنی هەڵمەتی تایبەت بە هەڵبژاردنە پەرلەمانییە پێشوەختەکەی بەریتانیا کە بڕیارە لە رۆژی 12ـی مانگی کانوونی یەکەمی ئەمساڵ بەڕێوەبچێت، جۆ سوینسۆن، سەرۆکی پارتی لیبراڵ دیموکراتی بەریتانیا رایگەیاند "من تێناگەم چۆن سەرۆکوەزیرانی بەریتانیا باس لە مەزنی رێککەوتنی برێگزیت دەکات لەکاتێكدا ئەو رێککەوتنە هەر لە بنچینەدا مردوو بوو، ئەنجامی خراپیشی لەسەر رەخساندنی هەلی کار لە بەریتانیادا دەبوو".
 
پارتی لیبراڵ دیموکراتی بەریتانیا تاکە پارتێکی ئەو وڵاتەیە کە لەسەر بنەمای وەستاندنی برێگزیت و مانەوە لە یەکێتی ئەوروپا دەستی بە هەڵمەتی هەڵبژاردنە گشتییەکەی ئەو وڵاتە کردووە.
 
سەرباری رەتکردنەوەی برێکزیت لە 19ـی مانگی رابردوو لەلایەن پەرلەمان، بۆریس جۆنس، سەرۆکوەزیرانی بەریتانیا رایگەیاند، جارێکی دیکە داوای درێژکردنەوەی پرۆسەی برێکزیت لە یەکێتیی ئەوروپا ناکات، راشیگەیاند، لە کاتی خۆیدا واتە لە 31ـی ئۆکتۆبەر لە یەکێتیی ئەوروپا دەچنە دەرەوە.


 





ئەم هەواڵە 1012جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad