English | عربی | Kurdî دواهەواڵ
ڕاستەوخۆ  
 
فرسه‌ت سۆفی : بە هیچ شێوەیەك هاوكاری دامەزراندنی بەنزینخانە و كارگەی غاز ناكەین
2019-11-04 [06:57 AM]

ZNA – هه‌ولێر


پارێزگاری هەولێر رایگه‌یاند بە هیچ شێوەیەك هاوكاری دامەزراندنی بەنزینخانە و كارگەی غاز ناكەن، بەڵام بەهۆی پێویستیی پارێزگاكە و بوونی بۆشایی دەرفەتی كار، هاوكارییەكی بێسنووری پرۆژەكانی پیشەسازی دەكەین.

ئەمڕۆ دووشه‌ممه ‌4 /11 كۆبوونەوەی ئاسایی ئەنجومەنی پارێزگای هەولێر بەڕێوە چوو كە تایبەت بوو بە خستنەڕووی بەرنامەی كاری پارێزگاری تازەی هەولێر فرسەت سۆفی.

لە كۆبوونەوەكەدا پارێزگاری هەولێر لەسەر چەند تەوەرێك بەرنامەی كاری خستە ڕوو و ئاماژەی بۆ ئەوە كرد: "ئێمە هەیبەتی فەرمانگە و فەرمانبەری خۆمان دەپارێزین و هەموو هەوڵێك دەدەین بۆ نەهێشتنی فشارە دەرەكییەكان لەسەر فەرمانبەران و دامەزراوەكانمان و هەر كەسێكیش پێشێلی یاسا بكات، تا رادەستی دادگای نەكەین راناوەستین و باسیشی لەوە كرد كە دەبێ هەموو فەرمانبەران لە كاتی یاسایی لەدەوام بن و پابەندی یاسا بن".

سۆفی گوتیشی: "ئێستا گرفتە كارگێڕی و رۆتینییەكانی پرۆژەكانی سنووری هەولێر چارەسەر كراون و ئەوەی پێویست بێ لەسەر بودجەی پارێزگا پارە بۆ پرۆژەكان تەرخان كراوە و لەوانەش رێگای هەولێر كۆیە و تونێلی پیرمامیش كارەكانی تەواو دەكرێن".

پارێزگاری هه‌ولێر گوتیشی: "ئێستا هەولێر بۆشایی كاری هەیە و ژمارەیەك خەڵكمان بێكارن، بۆیە ئێمە هەوڵ دەدەین زۆرترین كارگەی جۆراوجۆر لە هەولێر دابمەزرێن و هەموو هاوكارییەكیشیان دەكەین، بەڵام هیچ هاوكارییەكی بەنزینخانە و كارگەی غاز ناكەین".

لە بەشێكی دیكەی قسەكانیشیدا پارێزگاری هەولێر باسی لەوە كرد، لە كەرتی گەشتیاریدا نزیكەی 3 ملیۆن دۆلار بۆ تەواوكردنی پرۆژەی نۆژەنكردنەوەی قەڵای هەولێر تەرخان كراوە كە 2 ملیۆن دۆلار لەسەر بودجەی یەكێتیی ئەورووپا و یەك ملیۆن دۆلاریش لەلایەن كارگرووپەوە و لەگەڵ دەستەی گەشتوگوزاریش قسە كراوە كە دەبێ سەرجەم تابلۆ بازرگانییەكان بە كوردی لەسەری بنووسرێت، بە شێوەیەك زمانی كوردی لەسەرەوە بێت".

لەبارەی دیاریدەی هەڵگرتنی چەكیش گوتی: "ئێستا مۆڵەتی هەڵگرتن و هەبوونی چەك ڕاگیراوە و ناشكرێتەوە تا كۆمەڵێك رێكار هەن نەگیرێنە بەر".

لەبارەی پەیكەری كارگێڕیی پارێزگای هەولێرەوە فرسەت سۆفی روونیشكرده‌وه‌: "چەند بریارێكی كارگێڕی دراوە، لەوانەش لیژنەكانی كڕین و كردنەوە و رادەستكردنی پارێزگا دەبێ لە ماوەی شەش مانگدا بگۆڕێن، هەروەها پارێزگاریش دوو جێگری دەبێت و لەوێشدا پشكی ئافرەتان دیاری دەكرێت".

 





ئەم هەواڵە 2614جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad