English | عربی | Kurdî دواهەواڵ
ڕاستەوخۆ  
 
لەهەولێر سێ کۆگاى گەورەى خۆراک دەستیان بەسەرداگیرا کە ماوەیان بەسەر چوو بوو
2019-11-06 [05:29 AM]

ZNA- ھەولێر


قامیقامى قەزاى ناوەندى هەولێر رایگەیاند دواى کۆکردنەوەى زانیارى لەبارەى بوونى چەند کۆگایەک کە کەرەستەى ماوەبەسەرچوویان تێدا هەڵگیراوە، تواندرا دەستبگیرێت بەسەر سێ کۆگاى گەورەى پڕ لە خواردەمەنى لە شارى هەولێر.

نەبەز عەبدولحەمید قایمقامى قەزاى ناوەندى هەولێر و سەرۆکى لێژنەى پشکنین و چاودێرى بازاڕ بە(باسنیوز)ى راگەیاند: " دواى بەدواداچوون و کۆکردنەوەى زانیارى لەبارەى هەبوونى چەند کۆگایەک  ئەمڕۆ سێشەممە 5/11/2019 لێژنەى پشکنین و چاودێرى بازاڕ بەهاوکارى بەرێوەبەرایەتى گشتى نەهێشتنى تاوانى رێکخراوى سەر بە ئاژانسى پاراستن، توانیمان دەستبگرین بەسەر سێ کۆگاى گەورەى پڕ لە کەلوپولى خۆراکى ماوەبەسەرچوو لەسەر رێگاى سەرەکى هەولێر گوێڕ، ئەو کۆگایانە جۆرەها کەلوپەلى خواردەمەنى وەک برنج و زەیت و فاسۆڵیا و شەکر و دۆشاوى تەماتەیان تێدایە کە هى مارکەى (زێڕ)ە کە ماوەى چەندین ساڵە کەرەستەى خۆراکى هاوردەى کوردستان دەکات".

راشیگەیاند: "ئەو کۆگایانە کەلوپەلى ماوەبەسەرچوویان کۆکردۆتەوە و هەڵساوون بە لابردنى مێژووى بەسەرچوونەکەى و مێژوێکى تازەیان لەسەر تۆمارکردووە، بەجۆرێک گوش و تەنەکە و کیسى تازەیان هێناوە کەلوپەلە خرابووەکانیان تێکردووە و  دووبارە رەوانەى بازاڕەکانیان کردووە و دەرخواردى هاووڵاتیانیان داوە، بەپێى زانیارییەکانیش ئەو مارکەیە ئەو کەلوپەلە خۆراکیانەى رەوانەى شارى موسڵیش کردووە".

قامیقامى قەزاى ناوەندى هەولێر ئاماژەى بە ئەوەش کرد" پەڕاوى لێکۆڵینەوە بۆ رووداوەکە کراوەتەوە و چەند کرێکارێک لەو شوێنە دەستگیرکراون ، کەبەپێى لێکۆڵینەوە سەرەتاییەکان دانیان بەتاوانەکاندا ناوە کەیسەکە رەوانەى دادگا دەکرێت.





ئەم هەواڵە 1387جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad