English | عربی | Kurdî دواهەواڵ
ڕاستەوخۆ  
 
فەرەنسا دووەم مەترسیدارترین تیرورست لە ناوبرد
2019-11-06 [05:32 AM]

ZNA-هەولێر


 

وەزیری سوپاکانی فەڕەنسا، خاتوو فلۆرانس بارلی رایگەیاند، ئەو هێزە فەڕەنسییانەی لە مالی بڵاوبوونەتەوە لە سەرەتای مانگی ئۆکتۆبەر "ئەبوعەبدولرەحمان مەغریبی"یان کوشت کە بە کەسی دووەم دادەنرێت لە "گرووپى نوسره‌ت ئه‌لئيسلام وه‌لموسلمين"ی سەر بە رێکخراوی "ئەلقاعیدە".

بەگوێرەی وەزیری سوپاکانی فەڕەنسا، ئەم توندڕەوە کە بە رابەری رۆحی ئەو گرووپە دادەنرێت، شەوی 8\9ی ئۆکتۆبەر لە ئۆپەراسیۆنێكی فەڕەنسی بە هاوکاری لەگەڵ هێزەکانی مالی لە وڵاتی مالی کوژرا.

خاتوو بارلی لەکاتی گەڕانەوەی لە وڵاتی مالی بۆ فەڕەنسا گوتی: "ئەبوعەبدولڕەحمان مەغریبی“ دووەم مەترسیدارترین  تیرۆریستی داواکراوە لە ناوچەی کەناراوەکانی ئەفریقا بە تایبەتیش لەلایەن ئەمریکییەکان".

شایەنی باسە، مەغریبی ساڵی 2012 پەیوەندی بە رێکخراوی "ئەلقاعید"ە کردووە لە وڵاتانی مەغریب و بووەتە رابەری رۆحی ئەو رێکخراوە بەرلەوەی لەگەڵ ئەیاد ئەغ غالی "گرووپى نوسره‌ت ئه‌لئيسلام وه‌لموسلمين" دابمەزرێنێت، كه‌ "ئەیاد غالی"يش لەسەر لیستی داواکراوانە لە ناوچەی کەناراوەکانی ئەفریقا.

جێی وەبیرهێنانەوەیە، ئەم گرووپە بەرپرسیارێتی ئەو هێرشەی گرتە ئەستۆ کە لە سەرەتاى مانگی ئۆکتۆبەر هێزەکانی مالی لە ناوچەی بۆلکاسی و مۆندرۆ کردە ئامانج و بووە هۆی کوژرانی 40 سەرباز. هەوره‌ها ئەم گرووپە هێرشی واگادۆگۆی گرتە ئەستۆ کە لەمانگی ئاداری 2018 ئەنجامی دا و بووە هۆی کوژرانی 8 کەس.

ئەبو عەبدولرحمان مەغریبی، بە ئەندازیاری فراوانکردنی رێکخراوی "ئەلقاعیدە" دادەنرێت لە ناوچەی کەناراو و بە دووەم دیارترین کەسایەتی دادەنرێت لەو گرووپه‌ کە ئەمساڵ دەکوژرێث دوای کوژرانی جەزائیری، جەمال عوکاشه‌ کە بە "یەحیا ئەبولهومام" دەناسرێت و لە مانگی شوباتی رابردوو کوژرا.





ئەم هەواڵە 4663جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad