English | عربی | Kurdî دواهەواڵ
ڕاستەوخۆ  
 
تورکیا هاوسەری ئەبوبەکر بەغدادی سەرۆکی رێکخراوی داعش-ی دەستگیرکردووە
2019-11-07 [05:37 AM]

ZNA-هەولێر


دوێنێ، رەجەب تەییب ئەردۆغان – سەرۆکی تورکیا رایگەیاند، تورکیا هاوسەری ئەبوبەکر بەغدادی سەرۆکی رێکخراوی داعش-ی دەستگیرکردووە و ئەمڕۆش وێنەکەی بڵاوبووەتەوە.

هاوسەری بەغدادی ناوی ئەسما فەوزی محەمەد کوبەیسی-یە و لە کاتی خۆناساندنی بە هێزە ئەمنییەکانی تورکیا، بە ناوی رانیە مەحمود خۆی ناساندووە.

ئەمەش لەکاتێکدایە، رۆژی 5ی تشرینی دووەمی 2019، تورکیا رایگەیاندبوو، خوشکێکی ئەبوبەکر بەغدادی و هاوسەر و بوکێکیان دەستگیرکردووە و گواستوونیەتیەوە بۆ تورکیا.

بڵاویشیانکردبوویەوە، خوشکەکەی بەغدادی و هاوسەرەکەی لەژێر ناوی خوازراودا تا شەش مانگ لەمەوبەر لە یەکێک لە کەمپی ئاوارەکاندا، لە باکوری رۆژهەڵاتی سوریا ژیاون، و دواتریش، چوونەتە شاری ئەعزاز-ی هاوسنوری تورکیا، تا رۆژی دەستگیرکردنیان، لەوێ ماونەتەوە.

رۆژی‌ 26ی تشرینی‌ یەکەمی 2019، لە ئۆپراسیۆنێکی‌ هێزە تایبەتەکانی ئەمریکادا لە ناوچەیەکی پارێزگای ئیدلیب ئەبوبەکر بەغدادی خه‌لیفه‌ی رێکخراوی داعش کوژرا.

 





ئەم هەواڵە 697جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad