English | عربی | Kurdî دواهەواڵ
ڕاستەوخۆ  
 
وەڵاتێن عەرەبی : بێدەنگبوون ل داگیرکاریێ ، دژبەریا مافخوازیێ ...!
2019-11-15 [05:33 AM]

نڤیسینا:غیاس خالد زێباری


شتی گەلێ کورد ب ڕەنگەکێ ئاشتیانە و دیموکراسیانە د ڕاپرسیا سەرخۆبوونا کوردستانێ ل ۲٥ ێ ئیلۆنا سالا ۲۰۱۷ ب پڕانیا داخازا سەرخۆبوونا کوردستانێ کری ، بێ لبەرچاڤکرنا ڤی ماڤێ ڕەوا یێ مللەت و نەتەوەیەکێ بندەستکری و ئاشتیخواز و باشترین جیرانێن وان  ، ژبەری لێ هاتە کرن . 
هەرچەندە ژلایێ بنەمایێن ئایینی و نیڤ نەتەوی ژی گەهشتنا نەتەوان ب مافێن خۆ یێن نەتەوی و نشتیمانی و ئازادی و رزگاریا ئێکجاری مافەکێ سرۆشتی و ڕەوایە .
هەر وەکی دڤێ ئایەتا پیرۆز دا هاتی (
يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ )  [ سورة الحجرات: آية13].
ئەڤە دانپێدانەکا خودایی یە ب مافێن  مللەت و نەتەوا و وەک هەڤیا وان . 
و د ئایەتەکا دیتر دا هاتی ( وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ )  [سورة الروم: الآية22].
ئەڤەژی رێزگرتن و دانپێدانە  ب زمان و وەڵات و کلتۆرێ نەتەوان .
پێغەمەر (د . خ ) لسەر بن گۆتیە . 
((إن الله حرم عليكم دماءكم وأعراضكم وأموالكم))
[البخاري عن ابن عمر]
ئەڤەژی نیشانێ تەکەزیا ئیسلامێ یە لسەر  ئاشتەوایی یێ و پاراستنا سەر و ماڵ و ملکێ خەلکێ .
ئەڤە بەڵگەنە کۆ ئیسلامێ و ئایینێن دیترێن ئاسمانی نە تنێ رێز و دااپێدان ب مللەت و نەتەوان کریە ، بەلکی لسەر سەپاندیە بەرەڤانیێ لێ بکەن و ب ئاشتیانە و برایانە و وەک هەڤی پێکڤە بژین . 
لێ مخابن ب درێژاهیا دیرۆکێ ڤان وەڵاتێن موسلمان ب دارێ زۆردایێ مافێن مللەتێ کورد لێ زەفت و بنپێ کرینە و هەوڵێن جینۆسایدکرنا وان ژی داینە . 
پشتی دڤان هەمی هەلاندا نەشیا ڕێکێ لهەمبەر رژدیا خەلکێ کوردستانێ بۆ زڤراندنا مافێن خۆ یێن نەتەوەی و نشتیمانی بۆ ئازادی و رزگاریێ بگرن ، پرانیا وەڵاتێن عەرەبی دژبەریا بریارا ئاشتیانە و سەردەمیانە یا خەلکێ کر ل ڕاپرسیا سەرخۆبوونا کوردستانێ ل ئیلۆنا سالا ۲۰۱۷  ، یا جهێ حیبەتیێ ئەو بۆ دەسهەڵاتا فەلەستینی کۆ هەمان دەردێ داگیرکاریا کوردستانێ هەیە ، بەر هەمیان دژبەریا خۆ دیار کر ...! 
پسیار ئەوە ئەرێ چما دەسهەڵاتدارێن ڤان وەڵاتێن عەرەبی ، ئازادی و سەربەستێ بۆ وەڵات و مللەتێن خۆ دڤێت ، و هەمان بریارا مللەتێ کورد ب تاوان و جوداخاز دبینن ..؟
ئەرێ مافێن مرۆڤایەتی و ئایینی ئەڤەنە ..؟ 
ئەرێ ئەڤ ڕەفتار و هەڵویستە ناچنە د چارچۆڤێ ڕەگەز پەرستیێ و شوفینییەتێ دا ..؟
ئەرێ ئەڤە بەرۆڤاژی بنەمایێن ئایینێ پیرۆزێ ئیسلامێ نینە ، ئەو ئایینێ هنک خۆ ب سەرکێش و پێشەوا و پارێزەر دبینن ..؟
دگەل ڕێزێن مە بۆ هژمارەکا کێم یا رەوشەنبیر و نڤیسەر و ئەکادیمی و رۆژنامەڤانێن عەرەب بۆ وێ پشتەڤایا ل مافێن ڕەوا یێن نەتەوا کورد دکەن ، ب تایبەت ل وەڵاتێ مسرێ .
ئەگر سەرخۆبوونا باشوورێ کوردستانێ ببیتە ئەگەرێ ژێڤەبۆنا پشکەکا نشتیمانێ عەرەبی ب دیتنا وە ، چما هەوە رێک دا باشوورێ سوودان جودا ببیت ...! وە دانپێدان پێ کرن .
چما هەرێما کوردستانا عیراقێ ، ئەوا ژلایێ دیرۆکی و کلتۆری و جۆگراڤی ، خودایێ مەزن تایبەتمەنی دایێ و لگەل گەل و وەڵاتێن جیران جودا کری ، هۆن ب نشتیمانێ عەرەبی دبینن ..؟!  
ئەگەر راستە وە ئێکپارچەیا  وەڵاتێن عەرەبی دڤێت و دژی داگیرکاریا ئاخا وێنە ، بۆچی هۆن لسەر داگیرکاریا  رۆژ ئاڤایێ کوردستانێ (   باکوور و رۆژ هەڵاتێ  سووریا ) ژلایێ دەولەتا تورکیا ب هێزا چەکی بێ دەنگ و مت بوونە ..؟! 
نە تنێ بێ دەنگ و مت بوونە بەلکی هندەک وەڵاتێن عەرەبی ڕەوایەتی ژی دایێ ...! 
ئەو داگیرکاریا چەندین دەڤەرێن سووریا ڤەگرتی و ب سەدان هزار وەڵاتی ئاوارە و دەربدەر کری و سەروەت و سامانێ وان تاڵان کری ، ژبلی چەندین شەهید و برینداران . 
بۆچی ب دینا وە ڕەوایە وەڵاتێ تورکیا یێ خۆدان  سەروەری ، ئاخا وەڵاتەکێ جیران داگیر بکەت و کلتۆر و زمانێ خۆ لسەر بچەسپینیت و گۆڕینین دیمۆگرافی بکەت .
بۆ گەلێ کورد تاوانە لسەر ئاخا خۆ یا سەدان هزار سالی و خودان زمان و کلتۆرێ خۆ  یێ تایبەت ، بریارێ لسەر ماڤێ خۆ یێ ڕەوا بدەت ...!
ئەگەر بەراووردیێ دناڤەرا گەلێ کورد و ترکیا دا بکەن ، ب هەمی پیڤەرێن موسلمانەتی و مرۆڤی و جڤاکی گەلێ کورد باشترە نەخاسمە ژلایێ پەیوەندیێن لگەل گەل و وەڵاتێن عەرەبی  . ژلایێ دیرۆکی ژی  زۆربەی وەڵاتێن عەرەبی بسەر دەستێ ڕێبەریا کوردا و فەرماندێ کاریزمایێ یێ کورد و موسڵمان سەلاحەددین ئەیوبی ژبن دەستێ داگیرکاریێ رزگار بوونە ، لێ زۆر بەی وەڵاتێن عەرەبی لدەمێ خۆ ژلایێ ئمبراتۆریەتا عوسمانیا تورکی هاتبۆنە داگیرکرن .  
لێ دیارە وە داگیرکاریا لسەر دەستێ تورکان پێ باشترە ، ل رزگاریا کوردستانێ .





ئەم هەواڵە 5035جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad