English | عربی | Kurdî دواهەواڵ
ڕاستەوخۆ  
 
لە هەمواری دەستووردا دەستکاریی مافی کورد ناکرێ
2019-11-19 [11:48 AM]

ZNA- هه‌ولێر


په‌رله‌مانتارێكی پارتی دیموكراتی كوردستان گوتی، لیژنه‌ی هه‌مواركردنه‌وه‌ی ده‌ستوور به ڕاوێژ له‌گه‌ڵ یاساناسان و شاره‌زایان به‌رده‌وامه‌ له‌ كاركردن بۆ هه‌مواركردنه‌وه‌ی ده‌ستوور و هه‌موو لایه‌نه‌كان كۆكن لەسەر ئەوەی كه‌ ده‌ستكاریی مافه‌كانی كورد ناكه‌ن، به‌تایبه‌ت فیدراڵی و مادده‌ی140ی ده‌ستووری عێراق.

 

په‌رله‌مانتاری پارتی دیموكراتی كوردستان، به‌یار دۆسكی، بۆ ماڵپه‌ڕی فه‌رمیی پارتی دیموكراتی كوردستان گوتی: "لیژنه‌ی هه‌مواركردنه‌وه‌ی ده‌ستووری عێراق به‌رده‌وامن له ‌كار و كۆبوونه‌وه‌كانی خۆیان به‌ ڕاوێژ له‌گه‌ڵ یاساناس و شاره‌زایانی بواری ده‌ستوور بۆ ئه‌وه‌ی ئه‌و ماددانه‌ی پێویستن، هه‌موار بكرێنه‌وه‌ و، دواتریش له ‌په‌رله‌مان ده‌نگیان له‌سه‌ر بدرێت."

 

به‌یار دۆسكی گوتیشی: "ئه‌وه‌ی جێگه‌ی خۆشحاڵییه‌ هه‌موو لایه‌نه‌كان كۆكن له‌سه‌ر ئه‌وه‌ی به ‌هیچ شێوه‌یه‌ك ده‌ستكاریی ئه‌و ماددانه‌ ناكرێت كه‌ په‌یوه‌ندییان به‌ مافه‌كانی كورده‌وه‌ هه‌یه‌، به‌تایبه‌ت فیدراڵی و مادده‌ی 140، چونكه‌ ئه‌وانه‌ی له ‌میدیا قسه‌ ده‌كه‌ن و دژی مافه‌كانی كوردن به ‌په‌نجه‌ی ده‌ست دەژمێردرێن و زۆرینه‌ی په‌رله‌مانتاران له‌گه‌ڵ ئەوەن کە مافه‌كانی كورد به‌و شێوه‌ی هه‌یه‌، بمینێت."

 

له‌سه‌ر داواكاریی خۆپێشانده‌ران، له ‌په‌رله‌مانی عێراق لیژنه‌یه‌ك پێک هێنراوە، بۆ ئه‌وه‌ی ده‌ستوور هه‌موار بكرێته‌وه‌ و هه‌ندێ په‌رله‌مانتاریش له‌ میدیا عه‌ره‌بییه‌كاندا باس له‌وه‌ ده‌كه‌ن، کە پێویسته‌ ده‌ستكاریی مافه‌كانی كوردیش بكرێت.





ئەم هەواڵە 3004جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad