English | عربی | Kurdî دواهەواڵ
ڕاستەوخۆ  
 
عادل عبدولمەھدی : داواکاری خۆپیشاندەران جێبەجێ دەکرێ
2019-11-21 [04:31 AM]

ZNA- ھەولێر


عادل عه‌بدولمه‌هدی، سه‌رۆك وه‌زیرانی عێراق ده‌ڵێت: "داواكارییه‌كانی خۆپیشانده‌ران جێبه‌جێ ده‌بن، خۆپیشاندانه‌كانیش گرفته‌كانی سیستمی سیاسی وڵاتیان ئاشكراكردووه‌".

به‌گوێره‌ی به‌یاننامه‌یه‌ك كه‌ له‌ په‌یجی فه‌رمی خۆی له‌ تۆڕی كۆمه‌ڵایه‌تی فه‌یسبووك بڵاوكراوه‌ته‌وه‌، له‌ كۆبوونه‌وه‌یه‌كدا له‌گه‌ڵ ژماره‌یه‌ك سه‌رۆك هۆزی پارێزگاكانی ناوه‌ڕاست و باشووری عێراق، سه‌رۆك وه‌زیرانی عێراق گوتوویه‌تی: "كار بۆ چاكسازیی له‌ وڵات ده‌كه‌ین و به‌ ده‌نگ داواكارییه‌كانه‌وه‌ ده‌چین تا گه‌شه‌پێدانێكی گشتگیر بێنینه‌ ئاراوه‌، نه‌ك ته‌نها وه‌ك وه‌ڵامدانه‌وه‌ی داواكارییه‌ ره‌واكان بێت، به‌ڵكو به‌گشتی كار بۆ چاكسازی ده‌كه‌ین".

سه‌رۆك وه‌زیرانی عێراق گوتوویه‌تی: "ده‌بێت به‌پرسیارێتی هاوبه‌ش بگرینه‌ ئه‌ستۆ له‌ پێناو به‌رژه‌وه‌ندی عێراق و هه‌موو داخوازییه‌كانیش ئه‌گه‌ری جێبه‌جێكردنیان هه‌یه‌، هۆزه‌كان له‌ ریزی پێشه‌وه‌ بوون له‌ هه‌موو سه‌رده‌مێكدا، له‌ مه‌یدانه‌كانی جه‌نگ دژی داعش، به‌ پیاوه‌ ئازاكانیان له‌گه‌ڵ سوپای مه‌رجه‌عییه‌ت و هێزه‌ ئه‌منی و سه‌ربازییه‌كانمان توانرا سه‌ركه‌وتن به‌ده‌ستبێت".

هه‌روه‌ها گوتوویه‌تی: "حكوومه‌ت له‌ ساڵی یه‌كه‌میدا رووبه‌ڕووی زۆرێك كێشه‌ و ئالنگاری و گرفته‌ كه‌ڵه‌كه‌بووه‌كان بوویه‌وه‌ه‌ و تێپه‌ڕاندن، ئێمه‌ سوورین له‌سه‌ر خزمه‌تكردنی وڵات و گه‌ل و به‌ره‌نگاربوونه‌وه‌ی گه‌نده‌ڵی و نه‌هێشتنی هه‌ژاری و ئه‌نجامدانی چاكسازیی، خۆپیشاندانه‌كان ره‌وان و ده‌ستوور رێزی له‌ ئازادی راده‌ربڕین گرتووه‌، له‌ خۆپیشاندانه‌كانیشدا گرفته‌كانی سیستمی سیاسی له‌ سه‌رجه‌م كایه‌كانی ژیان ده‌ركه‌وت و پێویسته‌ چاره‌سه‌ر بكرێت.





ئەم هەواڵە 2617جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad