English | عربی | Kurdî دواهەواڵ
ڕاستەوخۆ  
 
دوای 63 ڕۆژ له‌ده‌ستگیر كردنی چەکدارانی پەکەکە کادیرێکی پارتی يان ئازاد کرد
2019-12-14 [12:16 PM]

ZNA- هەولێر


دوای زیاتر لە دوو مانگ شوێنبزرکردنی لەلایەن چەکدارانی پەکەکەوە، شەوی ڕابردوو، هاووڵاتی عەبدوڵڵا وەسانی، کادیری پارتی لە سنووری شارەدێی قەسرێی سنووری چۆمان، ئازاد کرا.

جەبار وسو، بەرپرسی لێژنەی ناوچەی قەسرێی پارتی دیموکراتی کوردستان، بە کوردستان تیڤی ڕاگەیاند: دوای زیاتر لە دوو مانگ شەوی ڕابردوو ( عەبدوڵڵا وەسانی) کادیری پارتیمان، کە لەلایەن مەفرەزەیەکی چەکدارانی پەکەکەوە شوێنبزرکرابوو، ئازاد کرا.

گووتیشی: لەکاتی دەستگیرکردنی (عەبدوڵڵا وەسانی) نەخۆشی دڵی هەبوو، لەو ماوەیەی دەستگیرکرابوو، چەکدارانی پەکەکە لێنەگەڕان هەتا خێزان و خانەوادەکەیشی بیبینن و چارەسەری دەرمانی بۆ ببەن، بۆیە ئێستا گواستراوەتەوە یەکێک لە نەخۆشخانەکانی شاری هەولێر و بەهۆی ئەوەی تەندروستی جێگیر نییە، خەریکن پشکنین و چارەسەری بۆ دەکەن.

ڕۆژی 10_10_2019 مەفرەزەیەکی چەکدارانی پەکەکە، لە گوندی وەسانی سەر بە ناحیەی قەسرێ لە قەزای چۆمان، هەڵدەکوتنە سەر ماڵی (عەبدوڵڵا مستەفا وەسانی) و لەپێش ماڵ و منداڵی و بێ هۆکارێکی دیاریکراو، دەستگیری دەکەن، لەکاتێکدا ئەو کادیرەی پارتی نەخۆشی هەبوو، بەدرێژایی دوو مانگ دەستگیرکردنی چەکدارانی پەکەکە لێنەگەڕاون حەب و دەرمان و چارەسەرییەکانی بگاتە دەستی.





ئەم هەواڵە 2965جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad