English | عربی | Kurdî دواهەواڵ
ڕاستەوخۆ  
 
یەکێتی قوتابیانی کوردستان پرۆژەی قوتابی خوێنەر ڕادەگەیەنێت
2019-12-16 [08:42 AM]

ZNA- هه‌ولێڕ


سەنتەری خامە بە سەرپەرشتی یەکێتی قوتابیانی کوردستان پڕۆژەی (قوتابی خوێنەر) ڕادەگەیەنێت. سەنتەری خامە کە بەشی ڕاگەیاندن و ڕۆشنبیریی (ی.ق.ک)ە، پرۆژەیەکی تایبەت بە قوتابیان ڕادەگەیەنێ و بۆ ماوەی یەک ساڵ بەردەوام دەبێ لە سەرتاسەری کوردستان و پرۆژەکە لە پێناوی بەکولتووریکردن و ھاندانی قوتابیانە بۆ خوێندنەوە.

سەبارەت بەم پرۆژەیە ئەندامی مەکتەبی سکرتارییەتی (ی.ق.ک) و بەڕێوەبەری سەنتەری خامە (ھۆگر بەھادین)، گوتی: ئەم پرۆژەیە لە پێناوی ئەوەیە قوتابیان بخوێننەوە و ھانیان بدەین بۆ ئەوەی ھاوڕێی ھەمیشەیی و بەردەوامیان کتێب بێت.

ماوەیەکی زۆرە خەریکی ئەم پڕۆژەیەین و ١٨ـی ئەم مانگە ڕایدەگەیەنین. لەبارەی چۆنییەتیی و چییەتی پرۆژەکەوە بەڕێوەبەری سەنتەری خامە گوتی: پرۆژەکە خۆی دەبینێتەوە لە دروستکردنی کارتێکی داشکان بۆ قوتابیان، ئێمە لە تەواوی شار و شارۆچکەکانی ھەرێمی کوردستان، لەگەڵ (٣٧) دەزگای چاپ و بڵاوکردنەوە و کتێبخانە ڕێککەوتووین، داشکانی تایبەت و دیاریکراو بکەن بۆ ھەر قوتابییەکی ھەڵگری ئەم کارتە. لە سەر کارتەکە ناوی ھەموو دەزگا و کتێبخانەکان و ڕێژەی داشکاندنەکان نووسراوە. سەبارەت بە ماوە و ئامانجی پڕۆژەکە، ھۆگر بەھادین گوتی: پرۆژەکە بۆ ماوەی یەک ساڵە، لە ٢٠١٩/١٢/١٨ تاوەکو ٢٠٢٠/١٢/١٨ کارتەکە کارا دەبێ و قوتابیان دەتوانن سوودمەندبن لەم داشکاندنە، داشکانەکە سەرتاسەرییە و ھەموو کوردستانی گرتۆتەوە. ئێمە ١٨ـی ئەم مانگە پرۆژەکە ڕادەگەیەنین.

ھاوکات لەگەڵ ڕاگەیاندنی پرۆژەکە، پێشانگەیەکی سێ ڕۆژە بۆ (٩) دەزگای چاپ و بڵاوکردنەوە لە ھەولێری پایتەخت دەکەینەوە کە داشکانی گەورە لە کتێب دەکەن. ھەروەھا لەسەر ئامانجیان لە ئەنجامدانی وەھا پرۆژەیەک، ئەو ئەندامەی مەکتەبی سکرتاریەتی (ی.ق.ک) گوتی: ئامانجی ئێمە بە کولتوورکردنی خوێندنەوەیە، ھاندانی قوتابیانە بۆ ئەوەی بخوێننەوە، ئاشناکردنی قوتابیانە بە ھاوڕێیەکی بەردەوام و باش کە کتێبە. ئێمە لەم جۆرە پرۆژانە بەردەوام دەبین و ئەمە دوا پرۆژە و چالاکی نابێت.





ئەم هەواڵە 2797جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad