 |
|
|||
ZNA-هەولێر فازڵ حاجی، گوتەبێژی پۆلیسی ھاتووچۆی ھەولێر ڕایگەیاند: لە بەرژەوەندی گشتی و بەمەبەستی کەمکردنەوەی جەنجاڵی لە شەقامەکانی ناوشار لەکۆبونەوەی پەرەپیدانی ھاتووچۆی ھەولێر لە ڕێکەوتی ١٤/١٢/٢٠١٩ و بەئامادەبوونی پاریزگاری ھەولێر بڕیاردرا بەقەدەغەکردنی ھاتنی بارھەڵگرەکان بۆ ناوشار تاکو کاتژمێر٩ی بەیانی. لە بڕیارەکەی بەڕێوەبەرایەتی ھاتووچۆی ھەولێردا ھاتووە: لە بەرامبەرقەدەغەی ھاتووچۆی بارھەڵگرەکان، قەرەبوو دەکرێنەوە بەرامبەر بەم دواکەوتنەیان و ھەروەھا ڕێگایان پیدەدرێت تاکو کاتژمێر ٢ی شەو بێنە ناوشار کە پێشتر تاکو کاتژمیر ١٢ ی شەو بوو. ڕاشیدەگەیەنێت: ئەم بڕیارە سەرجەم ئەو بارھەڵگرانە دەگرێتەوە کە بارەکانیان لە ٤تەن بەرەو سەرەوەیە. ھاتووچۆی ھەولێر ڕاشیگەیاندووە: داوا لەشوفیرانی بارھەڵگر دەکەین کە پابەندی بڕیارەکە بن وە ھەر شوفێریک پابەند نەبێت توشی سزای یاسایی دەبێت و بڕیارەکەش لە ڕۆژی ٢٠١٩/١٢/٢١ەوە جێ بەجێ دەکریِت. ئەم هەواڵە 2821جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad