English | عربی | Kurdî دواهەواڵ
ڕاستەوخۆ  
 
هێلی لەڤ دژی بڕیارێكی حكوومەتی فینلاند دەوەستێتەوە
2019-12-18 [07:36 AM]

ZNA-هەولێر


هێلی لەڤ كچە گۆرانیبێژی كورد كە هەڵگری ڕەگەزنامەی فینلاندیشە، ئەمڕۆ لە دیداری ڕۆژنامەیەكی ئەم وڵاتە، دژی بڕیارێكی نوێی حكوومەتی هێلسینكی وەستاوەتەوە، كە لەبارەی گێڕانەوە ژنانی داعش و منداڵەكانیانە بۆ فینلاند.

دوای ئەوەی سارا مارین وەك خانمە سەرۆك وەزیرانێكی گەنج دەستبەكار بوو، یەكێك لە بڕیارە لەپێشینەكانی، گێڕانەوەی ئەو ژنانە و منداڵەكانیان بوو، كە لە فینلاندەوە چووبوونە ڕیزەكانی ڕێكخراوی تیرۆریستیی داعشەوە لە سووریا و عێراق، ئێستەش هێلسینكی خەریكی ئامادەكارییە بۆ وەرگرتنەوەی منداڵەكانی داعش و ڕاهێنانیان لە قوتابخانەی تایبەت، هەروەها بەندیخانەیەكی ناوەندییشیان بۆ ژنەكان ئامادە كردووە، تا كۆتاییهاتنی لێكۆڵینەوەكان و دواتر بڕیاردان لەسەر چارەنووسیان.

لەبارەی ئەم پێشهاتە نوێیەوە، پەیامنێری ڕۆژنامەی (ئیڵتا - سانۆمات)ی فینلەندی لە هەولێرەوە دیدارێكی ڤیدیۆیی لەگەڵ هێلی لەڤ ئەنجام داوە، تیایدا هێلی لەڤ دژایەتی خۆی بۆ بڕیارەكەی هێلسینكی دەردەبڕێ و ئاماژە بەوە دەكات كە دژی گێڕانەوەی منداڵانی داعشە بۆ فینلاند، چونكە كاتێك ئەم منداڵانە گەورە دەبن، دێتەوە یادیان كە ئەوان منداڵی داعشن و باوانیان لەم ڕێیەدا كوژراون، بۆیە كاتێكیش بەهێز دەبن، لە بەرانبەر فینلەندیەكاندا كاری خراپ ئەنجام دەدەن.

هێلی لەڤ ئەوەشی گوتووە كە باشتر بوو حكوومەتی فینلاند هەوڵی رزگاركردنی ئەو منداڵە ئێزیدیانە بدات كە قوربانیی دەست ڕێكخراوی تیرۆریستیی داعشن و باوانیان لەلایەن داعشەوە شەهید كراون.

 





ئەم هەواڵە 706جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad