English | عربی | Kurdî دواهەواڵ
ڕاستەوخۆ  
 
ئەمڕۆ یەکەمین دیداری ئەدەبی هاوچەرخی کوردی سازدەکرێت
2019-12-19 [09:37 AM]

ZNA- هەولێر


کاتژمێر چواری ئەمڕۆ پێنجشەممە لە هەولێر، یەکەمین دیداری ئەدەبی هاوچەرخی کوردی (دیالۆگ، نوێخوازیی، ئەدەب و داهێنان) سازدکرێت و بۆ ماوەی سێ بەردەوام دەبێت.

دیدارەکە لەلایەن بەڕێوەبەرایەتی ڕۆشنبیری و هونەری هەولێر- چالاکی وێژەیی سەر بە وەزارەتی ڕۆشنبیری و لاوانی حکوومەتی هەرێمی کوردستان، لە هۆڵی رۆشنبیری لە شاری هەولێر بەڕێوەدەچێت.

دیدارە ئەدەبییەکە چەند پانێڵێک لەخۆدەگرێت و لە یەکەم رۆژیدا، جگە لە رێوڕەسمی کردنەوە، دڵشاد عەبدوڵڵا، موئەیەد تەیب، قوبادی جەلیزادە و مهاباد قەرەداخی چەند بەرهەمێکی شیعری دەخوێننەوە، دواتر خەڵاتی رێزلێنان پێشکەش بە هەریەک لە نووسەر و شاعیر جەلال زانگابادی، رەووف بێگەرد، دەیکا دالیایێ و سەعدوڵڵا پەرۆش دەکرێت.

لە دووەم چالاکییەکدا دیداری "د. عیزەدین مستەفا رەسووڵ" و پاشان پانێڵێک بەناونیشانی (رەخنە لەخوێندنەوەوە بۆ داهێنان) بە بەشداریی هەریەک لە؛ هاشم ئەحمەدزادە، د، نەوزاد ئەحمەد ئەسوەد و ڕەشید فەندی بەڕێوەدەچێت.

هەر لە ڕۆژی دووەمدا، دیداری ژیلا حوسێنی و پانێڵێک بەناونیشانی (چەند لایەنێک لە شیعری نوێی کوردی) بە بەشداری شەهلا دەباغی، کەژاڵ فەداکار و موحسین ئاوارە بەڕێوەدەچێت. 

لە هەمان رۆژدا دیداری "هەژار موکریانی" و پانێڵێک بەناونیشانی (چەند تەوەرێک سەبارەت بە وەرگێڕان) بە بەشداری محەممەد حوسێن موهەندیس، د. ئازاد حەمە شەریف و ئازاد بەرزنجی بەڕێوەدەچێت. هەروەها دیداری "فەرید زامدار" بە بەشداری بەرزان هەستیار، د. عارف حیتۆ، ئاراس عەبدولکەریم، سیمین چایچی، کۆسار کەمال، ئاوێزان نووری، جوان نەبی، مەسعوود پەرێشان، سەحەر موعێزی، بەرکین بێرە، حەمە عەباس، عومەر سەیدە و هێرۆ کوردە بەڕێوەدەچێت.

لە سێیەم رۆژی دیدارەکەدا دیداری "ئەحلام مەنسوور" و پانێڵێک بەناونیشانی (چەند تەوەرێک لەبارەی چیرۆکەوە) بە بەشداری فەرهاد چۆمانی، د. نەفیسە ئیسماعیل و بەختیار سەجادی) بەڕێوەدەچێت. 

هەر لە سێیەم رۆژدا دیداریی "مەسعوود محەمەد" و پانێڵێک بەناونیشانی (بەرەو زمانی یەکگرتووی کوردی) بە بەشداریی فەرهاد شاکەلی، د. محەمەد مەحوی، د. عەبدولسەلام نەجمەدین و پینار یەڵدز بەڕێوەدەچێت.

دیداری "محەمەد ئۆزۆن" بەناونیشانی (ئێستا و سبەینێی رۆمانی کوردی) بە بەشداری هاشم ئەحمەد زادە، جەبار جەمال غەریب و ئیسماعیل هاجانی، دوایین چالاکی دیدارەکە دەبێت.





ئەم هەواڵە 6100جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad