English | عربی | Kurdî دواهەواڵ
ڕاستەوخۆ  
 
خۆپێشانده‌ران پڕۆژه‌یه‌كی عێراقی ئوردنی په‌كده‌خه‌ن
2019-12-24 [02:05 AM]

ZNA- هه‌ولێر


راپۆرته‌ میدیاییه‌كان وه‌ستانی پڕۆژه‌ی راكێشانی هێڵی نه‌وتی عێراقی به‌ره‌و ئوردنیان راگه‌یاند، كه‌ به‌ر له‌ چه‌ند ساڵێك له‌ نێوان به‌غدا و عه‌مان رێككه‌وتنی له‌سه‌ر كراوه‌.

رۆژنامه‌ی "عه‌ره‌بی جه‌دید" له‌ زاری موسا هه‌نته‌ش، بڕیارده‌ری لێژنه‌ی وزه‌ له‌ ئه‌نجوومه‌نی نوێنه‌رانی ئوردن گواستییه‌وه‌، "دۆخی ئه‌منی عێراق سه‌خته‌ و ئه‌و خۆپێشاندانانه‌ی ماوه‌ی چه‌ند مانگێكه‌ شه‌قامی ئه‌و وڵاته‌ی ته‌نیوه‌، كاریگه‌ری نه‌رێنی له‌سه‌ر هاوكاری ئابووری له‌ نێوان ئوردن و عێراق درووست كردووه‌".

هه‌روه‌ك ئاماژه‌ی به‌وه‌شدا، "رووداوه‌كانی عێراق بوونه‌ته‌ هۆی وه‌ستاندنی كاره‌كانی تایبه‌ت به‌ راكێشانی بۆری نه‌وتی به‌سره‌ - عه‌قه‌به‌".

ئه‌و په‌رله‌مانتاره‌ی ئوردن گوتیشی: "ئه‌و پڕۆژه‌یه‌ گرنگییه‌كی زۆری بۆ هه‌ردوو وڵات هه‌یه‌ و ئومێدێكی زۆرمان پێ هه‌بوو، كه‌ به‌ ته‌واوكردنی ئه‌و پڕۆژه‌یه‌ پێویستمان به‌ تێچوونێكی كه‌متر ده‌بوو بۆ هاورده‌كردنی نه‌وت و دابینكردنی سووته‌مه‌نی پێویست بۆ شانشینه‌كه‌مان، كه‌ پێشتر به‌ تانكه‌ر ده‌مانهێنا و تێچوونه‌كه‌ی زۆرتر بوو. وێڕای ئه‌وه‌ی ئه‌و پڕۆژه‌یه‌ له‌ هه‌نارده‌كردنی نه‌وتی عێراق له‌ رێگه‌ی به‌نده‌ری عه‌قه‌به‌وه‌، داهاتێكی دیكه‌شی بۆ ئوردن ده‌سته‌به‌ر ده‌كرد".

له‌ ساڵی 2013 رێككه‌وتنێك له‌ نێوان به‌غدا و عه‌مان بۆ جێبه‌جێكردنی پڕۆژه‌ی راكێشانی هێڵی گواستنه‌وه‌ی نه‌وتی به‌سره‌ - به‌نده‌ری عه‌قه‌به‌ واژۆ كرا.





ئەم هەواڵە 2422جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad