English | عربی | Kurdî دواهەواڵ
ڕاستەوخۆ  
 
دوو کتێب لەبارەی سەرۆک بارزانی چاپ و بڵاوکرانەوە
رووبەرگی دوو کتێبەکە
2019-12-24 [02:42 AM]

هەولێر – ZNA


ئێوارەی ئەمڕۆ سیشەممە، لە رێوڕەسمێکدا دوو کتێب لەبارەی سەرۆک بارزانی، لە هۆڵی راگەیاندنی ده‌زگا رۆشنبیری و راگه‌یاندنی پارتی دیموكراتی كوردستان لە هەولێر بڵاوکرانەوە.

 

کتێبی "هەڵدێرانی عێراق لە روانینی (سەرۆک بارزانی)یەوە" لە ئامادەکردنی ئاسۆ عەلی فەرج، یەکێک لەو کتێبانە بوو کە بە هەرسێ زمانی کوردی، عەرەبی و ئینگلیزییە.

 

کتێبەکە بە تیراژی سێ هەزار دانە لە کتێبخانەی رۆکسانا چاپکراوە و ئاسۆ مامزادە کاری دیزاینی بۆ کردووە.

 

زکری موسا پێشەکی بۆ کتێبەکە نووسیوە و لە بەشێکیدا هاتووە: سەرۆک مەسعود بارزانی هەر لە 2010ـەوە هەستی بە مەترسی کرد و رایگەیاند، عێراق بەرەو دیکتاتۆریەت و چارەنووسیکی نادیار هەنگاو دەنێت. ئەو یەکەم کەسایەتیی سیاسیی بوو دەستنیشانی ئەوەی کرد کە دەستوور بن پێ خراوە و بنەماکانی شەراکەت و تەوافوق پشتگوێ خراون و تاکڕۆیی بەرەو گەشەسەندنە. سەرۆک بارزانی یەکەم کەس بوو پرسیاری ئەوەی کرد کە سەدان ملیار داهاتی عێراق بەرەو کوێ رۆیشتووە.

 

"پێشمەرگە و سەرۆک" لە ئامادەکردنی رەنجبەر حاجی، کتێبێکی دیکەیە کە لە رێوڕەسمەکەدا بڵاوکرایەوە و جگە لە کتێبەکە، سیدییەکیشی لەگەڵدایە.

 

لە پێشەکی کتێبەکەدا هاتووە: ئەم کتێبەی بەردەستی تۆی خوێنەر لەبارەی پێشمەرگەیە کە بۆ شەست ساڵ دەچێت، چەک لەشان و ئەدیداس لەپێیە و بۆ وەدەستخستنی ماف و ئازادییەکانی نەتەوەکەی شوێنێک نەماوە رووی تێنەکردبێ و لوتکەی چیایێک نەماوە لەسەری نەوەستابێ، تا ئاسۆییەک بۆ نەتەوەکەی بەدی بکات و چیا ئاسا پێداگر بێ لەسەر گەیاندنی نەتەوەکەی بەو ئاسۆیە.





ئەم هەواڵە 7084جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad