English | عربی | Kurdî دواهەواڵ
ڕاستەوخۆ  
 
مەسروور بارزانی ، ئەو سەرکردێ جودا دگەل یێن دەڤەرێ
2019-12-27 [10:27 AM]

نڤیسینا : غیاس خالد زێباری



دەست نیشان کرنا بەرێز مەسروور بارزانی بۆ سەرۆکاتیا حکومەتا هەرێما کوردستانێ ژلایێ پارتی دیموکراتی کوردستان ، بریارەکا هەژی و پێتڤی بوو ، و لدەم جهێ خۆدا بوو ، چاكسازی و دادوەری و کوردستانەکا بهێز کۆ پشکەکا سەرەکیا کارناما ڤێ حکومەتا بسەرۆکاتیا جەنابێ وی ژی دیسان ، پلان و بریارەکا پێتڤی و لدەمێ خۆدا بوو . چونکی دەڤەر ب گشتی و عیراق ب تایبەتی و دناڤدا هەرێما کوردستانێ ژی ، دناڤ دەستێن دز و گەندەل و گەندەلکاریێ دا هاتینە گڤاشتن و سنوور بزاندنە . هەرچەندە پڕانیا دەسهەڵاتێن دەڤەرێ لدەمێ وەرگرتنا دەسهەڵاتێ ، چاکسازی و دادوەریێ ، پشکەکا زۆرا کارنامە و پلان و بەرنامێن وان داگیر کرینە ، لێ پشتی بۆرینا دەمی ڤان دەسهەڵات و بەرپرسا نە تنێ نەشیانە ٥٪  کار و بەرنامە و بریارێن خۆ یێن چاکسازیا و دژبەریا گەندەلکارا پراکتیزە بکەن ، بەلکی نەشیایە ب رێژەیەکا کێم ژی رێکێ لێ بگرن ...!
ئیراق باشترین  نمۆنەیە ، تا کار گەهشتە وی ئاستی حکومەت نەشێت کونترۆلێ لسەر میلیشیایێن چەکداری و خالێن سنوور و فرۆکەخانا و بیرێن پترۆلێ بکەت ..!  و ب ملیاران دۆلاران سەروەت و سامانێ ئیراقێ ب گەندەلی هاتە ب هەدەر دان ..!  
لەوما جادا عیراقی بدەنگ هات و دەمێ سێ مەهایە ل بەغدایا پایتەخت و  پڕانیا باژێر و باژێرکێن ناڤەراست و باشوورێ ئیراقێ خۆنیشاندانێن بەرفرەهێن جەماوەری د بەردەوامن و درۆشمێن دژی دەسهەڵاتدارێن دەولەتێ و سیستەمێ وەڵاتی د بردەوامن ، دەنگێ وان ب کوشتن و رەڤاندنێ بێ دەنگ نابیت ..!  سەرۆک وەزیر کۆ میانڕەوترین و باشترین سەرۆک وەزیرێ عیراقێ بوو ، نەچار بۆ دەست لکار بەربدەت ..!  پشتی دەست لکار بەردانێ ژی سەرۆک کۆمار و جڤاتا نوونەران ژبەر نەڕازیبوونێن جادا ئیراقێ یێن نەشێن چ کەسایەتیا ب پێکئینانا کابینەکا نوو راسپێرن ..!  .
دێ شیێن بێژین پرانیا  دەسهەلاتدارێن ئیراقێ و زۆر وەڵاتێن دەڤەرێ نەخاسماگە یێن جیران ، نەشیایە کار و بەرنامە و بریارێن خۆ بکەنە کریار و خەلکی ڕازی بکەن ، بتایبەت یێن چاکسازی .. 
لێ ل هەرێما کوردستان پشتی دەست بکاربوونا مەسروور بارزانی وەک سەرۆکێ حکومەتا هەرێما کردستانێ ، هەر ل رۆژێن دەسپێکێ ئاسوویێن بجهــ ئینانا کارناما حکومەتا بسەرۆکاتیا وی نەخاسمە یێن چاکسازیێ و دادوەریێ رۆن و ئاشکرا بوونە و دڤی دەمێ کورت دا گاڤێن مەزن هاتینە هاڤێتن و هندەک کەفتینە د وارێ بجهـ ئینانێ دا ، وەک بریار و ڕاسپاردێن ئیداری .
و پرۆژێ چاکسازیێ ژی گەهاندیە داڤ هۆڵا پەرلەمانی دا و ل یاسا کرنێ نێزیک بوویە . 
ئەڤە و چەندین گاڤێن دیکە بووینە کریار ، ژبلی زۆر گاڤ و بریار و سەرەدەریێن جەنابێ وی دژی گەندەلکارا ئەوێن ئەوێن خەلک نەبینیت و د ڤەشارتی . 
مەسروور بارزانی سەرکردەکێ جودایە دگەل زۆر سەرکردێن وەڵاتان ، چونکی هەر ل دەست نیشانکرنا تیما دگەل جەنابێ وی ل حکومەتا هەرێما کوردستانێ نەخاسمە ئەوێن دناڤ وێ پارتیا ئەو کاندید کری ( پ  د . ک ) ل کەسێن دەست پاک و باوەر پێکەر و دلسۆز و شارەزا ، باوەریا خەلکی ب سەرۆکێ حکومەتێ و کابینا وی موکۆم بوو ، بۆ بەرهنگاریا گەندەڵ و گەندەلیێ و سەروەریکرنا یاسایێ و دادوەریێ و دادوەریا جڤاکی ، نەخاسمە پشتی د دەمەکێ کورت دا پشکەتا کارنامە و بریارێن وی هاتینە بجهـ ئینان . 
ژلایێ خزمەت گۆزاری ژی دڤی دەمێ کورت دا چەندین پرۆژێن گرنگ هاتنە بجهــ ئینان و بریار لسەر چەندێن دیتر هاتینە دان ، ئەڤێ ژی لڤینەکا باش ئێخستیە د بزاڤا ئابۆری و دارایی دا ل کوردستانێ .
وەکی کەس ژی مەسروور بارزانی لگەل سەرۆک و بەرپرس و دەسهەلاتدارێن وەڵاتێن دەڤەرێ ناهێتە بەراوور کرن ، چونکێ سەرۆکێ نهۆ یێ حکومەتا هەرێما کوردستانێ ، کەسایەتیەکێ چاکساز و دادوەر و خزمەتکارە ، ئەو کەستێن لدەور و بەرێن خۆژی کۆمکری بۆ چاکساری و خزمەتکیاریا نە . ئەوێن دیتر ئانکۆ یێن عیراقێ و هندەک وەڵاتێن دەڤەرێ .  گەندەلکار و خۆپەرستن و دەورو بەرێن وان ژی کار بۆ ڤەشارتن و بەردەوامیا گەندەڵیێن وان پاراستنا بەرژەوەندێن وان دکەن . 
ژلایێ تەمەنی و سیاسی ژی مەودایەکێ زۆر دناڤبەرا واندا هەیە ، هەرچەندە سەرۆکێ حکومەتا هەرێما کوردستانێ بەراوورد دگەل وان د بۆهارا گەنجاتیا خۆ دایە ، لێ ژلایێ دووربینی و بیرمەندیێ ، کەسایەتیەکێ زۆرێ مەزن و خودان سەربۆرێن چەندین ساڵی یە ، ئەڤەژی ژ ئەنجامێ پەروەردیا جەنابێ وی یە د ماڵباتەکا دلسۆز و چاکساز و دوور مەودایێن سیاسی و جڤاکی و دناڤ ڕێبازا چاکساز و دادوەرا بارزانی نەمر و پارتی دیموکراتی کوردستان و لبەر دەستێ سەرۆک مەسعود بارزانی .
وێرەک و خودان بریار : 
ئەڤەژی پێتڤیەکا هەرە فەرن بۆ سەرکردەی ، چونکی ئەگەر وێرەکی لده‌ڤ سەرکردەی نەبیت نەشێت ئیرادا بریاردانێ نابیت و نەشێت ئیدارەیا وەڵاتی بکەت و بریارێن د بەرژەوەندا گەل و وەڵاتی دەربکەت ، ئەگەر دەر بکەت ژی ناهێنە بجهـ ئینان ، لێ رێزدار مەسروور بارزانی ئەو سەرکردێ وێرەکە کۆ ب باوریبخۆهەبوونا زۆر وێرەکیا بریاردانێ هەیە چونکی یێ پشت راستە بریارێن وی د بەرژەوەندا گشتی دانە و ژبەر تۆڕەبوونا جەماوەری کەسی ئەو وێرەکی نیە ، سەرپێچیا وان بریارا بکەت . ئانکۆ کەسەکە دەم و چاوانیا دزانیت ، بۆ بەرژەوەندێن گەل و وەڵاتی .
ب ڕەنگەکێ گشتی مەسروور بارزانی سەرۆکێ حکومەتا هەرێما کوردستانێ ، دگەل سەرکردێن ئیراقێ و وەڵاتن دەرڤە ناهێتە بەراوورد کرن و هەرێما کوردستانێ دڤان کاودانان دا پێتڤیەکا هەرە فەر پێ هەیە ، ژبووی دروستکرنەڤا باوەریێ دناڤبەرا خەلکی حکومەتا هەرێما کوردستان و ژبووی ژێرخانەکا ئابۆری و پیشەسا و دادوەریێ و سەروەریا یاسایێ و بهێزکرنا کوردستانێ ، مەسروور بارزانێ دێ مینا مەهاتیر محمد سەرۆک وەزیرێن بەرێ یێ مالیزا بینیت و دیرۆکەکێ تۆمار کەت  .





ئەم هەواڵە 2791جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad