English | عربی | Kurdî دواهەواڵ
ڕاستەوخۆ  
 
ئەو خۆراکانە کامانەن کە رێگری لە هەڵوەرینی قژ دەکەن
2019-12-25 [01:22 AM]

هەولێر ــ ZNA


خواردنە نا تەندروستەکان چەندین زیانی بۆ تەندروستی لەش هەیە، لەوانە دروستبوونی زیپکە و زیادبوونی کێشی لەش، بەڵام شارەزایان زیانێکی دیکەی ئاشکرادەکەن کە زۆرێک لە کەسەکان نازانن، ئەویش هەڵوەرینی قژە.

 

ماڵپەڕی هۆلیود لایڤ لە زاری کرێس ڤارونا شارەزا لە بواری زانستی بڵاویکردەوە، سیستمی خۆراکی رێک و تەندروست، رێگری لە هەڵوەرینی قژ دەکات.

 

کرێس جەختیشکردەوە هەڵوەرینی قژ، کاریگەری نەرێنی و دەرونی دەکاتە سەر ژیانی کەسەکان و خۆراکی نا تەندروست وهەندێکاتیش بۆماوەیی هۆکارە بۆ لاوازبوونی قژ.

 

دەشڵێت، کەمی ڤیتامین و ئاسن، کەمخوێنی و دەردە ڕێوی کە لەبەشێکی سەردا قژ هەڵدەوەرێت بە تەواوی هۆکارێکی دیکەیە بۆ هەڵوەرینی قژ، باس لەوەش دەکات لە هەندێک حاڵەتدا ئەگەر سیستمی خۆراکیت رێکخرێتەوە و خواردنی تەندروست بخورێت، قژ لە هەڵوەرین دەوەستێت.

 

سیستمی خۆراکی رێک و تەندروست پێکهاتوە لە مەگنیسیۆم و بیوتین و زینک و ئاسن و ڤیتامینەکان، ئەمەش سودی هەیە بۆ بەهێزبوونی قژ و درێژبوونەوەی.

 

هەروەها هەندێک پێکهاتەی خۆراکی دیکە هەن وەک گوێز و تۆوی کەتان لەگەڵ لۆبیادا سەرچاوەی سەرەکی خۆراکن بۆ قژ، لەکاتێکدا ترشی ئۆمێگا 3 کە لە جۆرەکانی ماسیدا هەن، سودێکی دیکەی بەهێزن بۆ بەهێزبوون و رێگریکردن لە هەڵوەرینی قژ.

 

شارەزایان ئاماژەبەوەش دەکەن ڤیتامین B6 کە لە مۆز و پەتاتە هەیە و ڤیتامین B12 کە لە گۆشتدا هەیە و ڤیتامین D لەگەڵ ترشی فولویک و تەماتە بەسوودن بۆ قژ.





ئەم هەواڵە 913جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad