English | عربی | Kurdî دواهەواڵ
ڕاستەوخۆ  
 
ئەگەر پەستانی خوێنت بەرزە ئەم خواردنانە بخۆ
2020-01-11 [11:25 AM]

هەولێر ــ ZNA


ئەگەر پەستانی خوێنتان بەرزە ئەوا بزانن هەندێك خواردن هەیە كە دەتوانێت كۆنتڕۆڵی پەستانی خوێن بكات و نزمی بكاتەوە، بەڵام پێش خواردنی دەبێت راوێژ بە پزیشك بكەن بۆ ئەوەی دڵنیا ببنەوە و توشی كێشەی تەندروستی نەبن.

سەوزە 
وەك كاهو و سپێناخ و کەلەرم و سەوزەكانی تر، چونكە دەوڵەمەندن بە پۆتاسیۆم و کاری گورچیلە باشتر دەكات، بۆ ئەوەی سۆدیۆم لە رێگەی میزەوە دەربداتە دەرەوەی جەستە  كە دەبێتە هۆی نزمبونەوەی پەستانی خوێن.

شیر و ماست 
بەردەوام پزیشكان ئامۆژگاری ئەو كەسانە دەكەن كە پەستانی خوێنیان بەرزە كە شیری بێ چەوری بخۆن، چونكە دەوڵەمەندە بە كالیسیۆم و چەوری تێدانییە هەروەها ماستیش بەهەمان شێوە، توێژینەوەیەكیش ئاشكرای دەكات ئەو كەسانەی پێنج رۆژ لە هەفتەیەكدا ماست دەخۆن بە رێژەی 20% پەستانی خوێنیان دادەبەزێت.

چەوەندەر 
چەوەندەر مادەی ئەكسیدی نیتریكی تێدایە كە یارمەتی بەرفراوانبونی خوێنبەرەكان دەدات و پەستانی خوێن دادەبەزێنێت، توێژەران دەڵێن چەوەندەر یارمەتی دابەزاندنی پەستانی خوێن لەماوەی 24 كاتژمێر لە خواردنی دەدات.

سیر 
لەو مادە خۆراكیانەیە كە مادەی ئەكسید نتریكی تێدایە سیرە كە بەسودە بۆ ئەو كەسانەی پەستانی خوێنیان هەیە.

شوكلاتەی تاریك 
خوردنی 100 گرام شوكەلاتەی تاریك رۆژانە دەتپارێزێت لەتوشبوون بەنەخۆشی دڵ و خوێنبەرەكان.
بەپێی توێژینەوەیەكیش رێژەی كاكاوی بەرز لە شوكولاتەی تاریك  هەیە و دەتوانێت پەستانی خوێن دابەزێنێت.


زەیتی زەیتون
وەك خواردنێكی بەسود كە دەوڵەمەندە بە چەوری تەندروست كە جەستە پێویستی پێیەتی زەیتی زەیتون مادەی بولفینولی تێدایە كە رێگە لە هەوكردنەكانی جەستە دەگرێت و پەستانی بەرزی خوێن كەمدەكاتەوە .
 





ئەم هەواڵە 5233جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad