English | عربی | Kurdî دواهەواڵ
ڕاستەوخۆ  
 
نەشتەرگەری دابەزاندنی کێش مەترسیی شێرپەنجەی پێست کەمدەکاتەوە
2020-01-13 [10:36 AM]

هەولێر ــ ZNA



توێژینەوەیەکی پزیشکانی سوێدی پەیوەندی دۆزیوەتەوە لەنێوان ئەنجامدانی نەشتەرگەری دابەزاندنی کێش و کەمبوونەوەی مەترسیی تووشبوون بە شێرپەنجەی پێست.

توێژینەوەکە لەسەر 4047 کەس کە قەڵەوبوون ئەنجامدراوە و بۆماوەی 15 ساڵ بەدواداچوونیان بۆ کراوە، پزیشکانی توێژەر بۆیان دەرکەوتووە، ئەنجامدانی نەشتەرگەری دابەزاندنی کێش ئەگەری تووشبوون بەشێرپەنجەی پێست جۆری میلانۆما کەمدەکاتەوە.

د. ماگدالینا تۆبی، پزیشک و ئەنجامدەری سەرەکی توێژینەوەکە دەڵێت، ئەم ئەنجامانە دەرخەری ئەوەیە کە پەیوەندی هەیە لەنێوان قەڵەوبوون و تووشبوون بە شێرپەنجەی پێست، بۆیە دەبێت لەمەودوا قەڵەوی بە فاکتەرێکی گرنگی سەرهەڵدانی شێرپەنجەکان بزانین.

لەبارەی ئەوەی کە بۆچی قەڵەوی مەترسیی شێرپەنجە زیاددەکات، پزیشکە سوێدییەکان دەڵێن قەڵەوی دەبێتەهۆی دروستبوونی هەوکردنی درێژخایەن لە جەستەدا بەمەش هۆکارە بۆ سەرهەڵدانی گرێیە شێرپەنجەییەکان.

نەشتەرگەری دابەزاندنی کێش رێگەیەکی کاریگەرە بۆ کەمکردنەوەی کێشی جەستە لەو کەسانەی قەڵەون، واتە هاوکۆڵکەی بارستایی جەستەیان لە 40 زیاترە یان هاوکۆڵکەی بارستایی جەستەیان 35ە بەڵام نەخۆشیی دیکەیان هەیە وەک شەکرە و بەرزەپەستانی خوێن، کە بە وەرزشکردن و خۆراکی دروست کێشیان کەمناکات.

 

 

 

رووداو- هەولێر





ئەم هەواڵە 2305جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad