English | عربی | Kurdî دواهەواڵ
ڕاستەوخۆ  
 
هەوڵی لەکار لادانی غەننوشی دەدرێ بەهۆی دیدارێکی لەگەڵ ئەردۆغان
2020-01-16 [06:50 AM]

ZNA- ھەولێر


داوای لەکارلادانی سەرۆکی پەرلەمانی تونس بەهۆی دیدارێکی لەگەڵ سەرکۆماری تورکیا، دەکرێت.

رۆژی شەممەی رابردوو راشد غەننوشی، سەرۆکی پەرلەمانی تونس سەردانی تورکیای کرد و بەبێ ئاگادارکردنەوەی پەرلەمان، لەگەڵ رەجەب تەییب ئەردۆغانی سەرکۆماری تورکیا کۆ بووەوە،

پەرلەمانتارانی پارتی دەستووریی ئازادی ئۆپۆزیسیۆنی تونس لەناو پەرلەمان داوای لەکارلادانی سەرۆکی پەرلەمانیان کرد، بەهۆی ئەوەی بەبێ ئاگادارکردنەوەی پەرلەمان، لەگەڵ رەجەب تەییب ئەردۆغان کۆ بووەتەوە.

راشد غەننوشی رایگەیاندووە، سەردانەکەی بۆ تورکیا و کۆبوونەوەی لەگەڵ ئەردۆغان کەسی و حزبی بووە و هیچ پەیوەندیی بە نوێنەرایەتیکردنی پەرلەمانەوە نەبووە.

غەننوشی سەرکردەی باڵا و یەکێک لە دامەزرێنەرانی بزووتنەوەی نەهزەی تونسییە، کە بزووتنەوەیەکی ئیسلامییە و سەر بە رەوتی ئیخوان موسلیمینە و ئەردۆغان و حزبەکەیشی (پارتی داد و گەشەپێدان - ئاکەپە)ش خۆیان وەک رێبەری رەوتی ئیخوان موسلیمین، هەژمار دەکەن.





ئەم هەواڵە 5137جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad