English | عربی | Kurdî دواهەواڵ
ڕاستەوخۆ  
 
پەیامی پیرۆزبایی مەكتەبی سیاسی پارتی دیموكراتی كوردستان بۆ كەناڵی ئاسمانی كوردستان (Ktv)
2020-01-17 [07:03 AM]

ZNA-هەولێر



بەڕێزان/ بەڕێوەبەری گشتی و کادیر و كارمەندانی كوردستان تیڤی..

 بەبۆنەی(21) هەمین ساڵیادی دامەزراندنی كەناڵی ئاسمانیی كوردستان تیڤی گەرمترین پیرۆزبایی ئاراستەی ئێوەی بەڕێز و بینەرانی ئازیزی كەناڵەكەتان دەكەین، هیوادارین وەك هەمیشە دڵسۆزانە و بەرپرسانە خزمەتی زیاتر بەو رەوشە سەقامگیرە و ئاسوودەیی و خواست و ویستی خەڵك بدەن.

 كەناڵی ئاسمانی كوردستان، لە رۆژێكی وەكو ئەمڕۆدا، كە بە بڕیارو سەرپەرشتی راستەوخۆی سەرۆك بارزانی دامەزرا،  دەسكەوتێكی دیكەی ئەو كاروانە پڕ بەخششەی خەبات و تێكۆشانی گەلەكەمانە، ئەم كەناڵە وەك یەكەمین كەناڵی ئاسمانیی توانیویەتی بە بەرنامەو پلانێكی رێكوپێك و بە پرۆسەیەكی خەمخۆرانە  بێتە ناو گۆڕەپانەكە و بێ سرەوتن هەنگاوی سوودبەخشانە بنێ و قۆناغێكی نوێ لە بواری میدیایی لە هەرێمی کوردستان بخاتەوە و بەرەو پێشەوەی ببات، هەروەها بەپێی رونگەیەكی پیشەوەرانەش مامەڵە لەگەڵ بابەت و هەواڵ و رووداوەكان بكات و بێ جیاوازی هەواڵ و رووداوەكانی پارچەكانی دیكەی كوردستان رووماڵ بكات، بەمەش ببێتە كەناڵی گشت هاونیشتمانیانی خۆشەویست و مایەی شانازی تەواوی بینەرانی بێت لەسەرتانسەری جیهاندا.

 رۆڵ و كاریگەری بواری میدیا لە هەموو هەلومەرجێكدا زۆر هەستیار و گرنگە بەتایبەتیش میدیای بینراو، دیارە لەو رووەوەش (Ktv) هەمیشە شانبەشانی كەناڵەكانی دیكە بە ئەركی پیرۆزی خۆی هەستاوە و لە خزمەتی خواست و ویستی هاووڵاتیان و كێشە وگیروگرفتەكانیان دابووە، كە ئەمەش مایەی رێزو دەستخۆشیە.  
 كوردستان تیڤی لەو ماوەی تەمەنی كار و چالاكیەكانیدا هەمیشە بڵنگۆی ئازادیخوازو پێشكەوتنخوازان بووە، هەروەها خاوەن سەنگ و پەیامی سیاسی و میدیایی جیا بووە، بەمەش مسداقیەتی خۆی پاراستووە و بەرجەستەكارێكی راستەقینەی مافە نەتەوەیی و نیشتیمانیەكان بووە.
جارێكی دیكە وێرای سوپاسگوزاری و دەستخۆشیمان پشتیوانی تەواوی خۆمان بۆ بەرەوپێشچوونی دەزگاكەتان وەك دامەزراوەیەكی میدیایی هاوچەرخ و پرۆفیشناڵ دووپات دەكەینەوە و، ئومێدەوارین هەر لەپێشكەوتن و سەركەوتندابن.
 
مەكتەبی سیاسی
 پارتی دیموكراتی كوردستان
17/1/2020





ئەم هەواڵە 2479جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad