English | عربی | Kurdî دواهەواڵ
ڕاستەوخۆ  
 
وەزارەتی بەرگریی هۆڵه‌ندا: ڕاهێنانی سه‌ربازی بۆ پێشمه‌رگه‌ دەست پێدەکەینەوە
2020-01-18 [02:04 AM]

ZNA-هەولێر


وه‌زاره‌تی به‌رگری هۆڵه‌ندا ڕای گه‌یاند كه‌ ڕاهێنانە سه‌ربازییه‌كانی بۆ هێزی پێشمه‌رگه‌ی كوردستان دەست پێ دەکاتەوە.

ئانك بێیلێڤڵد، وه‌زیری به‌رگرتی هۆڵه‌ندا له‌ نامه‌یه‌كدا بۆ پەرلەمانی وڵاته‌كه‌ی نووسیویه‌تی، سه‌ربازانی هۆلەندا، له‌ چوارچێوه‌ی هاوپه‌یمانیی نێوده‌وڵه‌تی دژ به‌ چه‌كدارانی داعش، ده‌ست به‌ ڕاهێنانی هێزی پێشمه‌رگه‌ له‌ هه‌رێمی كوردستان و هێزه‌ چه‌كداره‌كانی عێراق له‌ به‌غدا دەکاتەوە.

بێیلێڤڵد له‌ نامه‌كه‌یدا ئاشكراشی كردووه‌ كه‌ عادل عه‌بدولمه‌هدی، سه‌رۆك وه‌زیرانی كاربه‌ڕێكه‌ری عێراق، داوای له‌ هێزه‌ هۆڵه‌ندییه‌كان نه‌كردووه‌ عێراق جێ بهێڵن، چونکە باش ده‌زانێت هه‌نگاوێكی له‌م شێوه‌یه‌ زیان به‌ سه‌قامگیریی عێراق له‌ بارودۆخێكی وا هه‌ستیار ده‌گه‌یه‌نێت.

به‌ گوته‌ی وه‌زیری به‌رگریی هۆڵه‌ندا، نزیكه‌ی ٥٠ سه‌ربازی ئه‌و وڵاته‌ له‌ هه‌رێمی كوردستان جێگیر كراون و بڕیاره‌ ده‌ست به‌ ڕاهێنانی سه‌ربازی بۆ پێشمه‌رگه‌ بكه‌نه‌وه‌.

هەر لەمبارەیەوە دلاوەر ئاژگەیی، نوێنەری حکوومەتی هەرێمی کوردستان لە یەکێتیی ئەورووپا بڵاوی کردەوە: ”لە سەردانی هەفتەی رابردوومان بۆ پەرلەمانی هۆڵەندا، بە فەرمی داوای پشتگیریی پەرلەمانی ئەو وڵاتەمان کرد بۆ بەردەوامیی هۆڵەندا لە پشتگیریکردنی هەرێمی کوردستان“.

دوابه‌دوای زیادبوونی گرژیی نێوان ئێران و ئه‌مریكا له‌ ناوچه‌كه‌، هاوپه‌یمانیی نێوده‌وڵه‌تی دژ به‌ داعش بڕیاری دا بۆ ماوه‌یه‌كی كاتی ئۆپه‌راسیۆنه‌ هاوبه‌شه‌كانی له‌گه‌ڵ سوپای عێراق و ڕاهێنانه‌ سه‌ربازییه‌كانی له‌ عێراق و هەرێمی کوردستان بوه‌ستێنێت.





ئەم هەواڵە 484جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad