English | عربی | Kurdî دواهەواڵ
ڕاستەوخۆ  
 
خۆپیشاندەران مۆڵەتی دیاریکردنی جێگرەوەی عادل عەبدولمەهدی دەدەن
2020-01-19 [06:41 AM]

ZNA- هه‌ولێر


خۆپیشاندرانی عێراق تا سەرلەبەیانیی رۆژی دووشەممە 20-1-2020 مۆڵەتی دیاریکردنی جێگرەوەیەک بۆ عادل عەبدولمەهدی دەدەن.

هەفتەی رابردوو، خۆپیشاندەرانی شاری ناسریەی سەتەری پارێزگای زیقار مۆڵەتی یەک هەفتەیان بە حزب و لایەنە عێراقییەکان دا، کە تا سەرلەبەیانیی رۆژی دووشەممە کەسێک بۆ سەرۆکایەتیی حکوومەتی وڵاتەکەیان دیاری بکەن.

دوای ئەو داوایەی خۆپیشاندەرانی ناسریە، خۆپیشاندەرانی شاری بەغدا و واست پاڵپشتیی خۆیان بۆ داواکارییەکەی خۆپیشاندەرانی واست و مۆڵەتە یەک هەفتەییەکە راگەیاند.

خۆپیشاندەران هەڕەشەی بەردەوامیدان و فراوانترکردنی ناڕەزاییەکانیان کردووە ئەگەر بەدەنگ داواکارییەکەیانەوە نەیەن و کەسێک بۆ سەرۆکایەتیی حکوومەتی عێراق، دیاری نەکرێت.

خۆپیشاندەران داوا دەکەن، کەسێکی پسپۆڕ و دوور لە کاری حزبایەتی بپۆ سەرۆکایەتیی حکوومەتی کاتیی عێراق دیاری بکرێت، بۆ ئەوەی داوای هەڵبژاردنی پێشوەختە بکات و ئاسانکاریی بۆ دادگاییکردنی بکوژانی خۆپیشاندەران، بکات.

عادل عەبدولمەهدی (لەدایکبووی 1942 لە بەغدا)، لە مانگی 10ـی 2018 وەک سەرۆک وەزیرانی عێراق دەست بەکار بوو و لە رۆژی 30-11-2019 دەستی لەکار کێشایەوە و رۆژی دواتر پەرلەمانی وڵاتەکەی دەست لەکار کێشانەوەکەی قبوڵ کرد.

دەست لەکار کێشانەوەی عەبدولمەهدی لەسەر داوای مەرجەعی باڵای شیعەکانی عێراق و دوای پەرەسەندنی خۆپیشاندانەکانی وڵاتەکەی، هات.

خۆپیشاندانەکان لە رۆژی 1-10-2019ـەوە لە بەغدا و زۆربەی شارەکانی عێراق دژی گەندەڵی و نەبوونی خزمەتگوزاری، دەستیان پێکرد.

بەهۆی خۆپیشاندانەکان و کەوتنەوەی توندوتیژی تێیاندا، زیاتر لە 600 هاووڵاتی و کارمەندی ئەمنی گیانیان لەدەست داوە و زیاتر لە 16 هەزاری دیکەش بریندار بوون، جگە لە کەمئەندامبوونی 700 کەس و ژمارەکانیش بەردەوام لە بەرزبوونەوە دان.





ئەم هەواڵە 286جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad