English | عربی | Kurdî دواهەواڵ
ڕاستەوخۆ  
 
لە هەولێر یادی فۆتۆگرافەر جەمال داوود کرایەوە
2020-01-19 [01:05 AM]

هەولێر – ZNA


لە مۆزەخانە و ئەرشیفی پەروەردەی هەولێر، وەزارەتی رۆشنبیری و لاوان، یادی فۆتۆگرافەر و شانۆکار جەمال داوودی کردەوە.

 

 

رێوڕەسمی یادکردنەوەی ئەو هونەرمەندە کۆچکردووە، دوێنی شەممە بە ئامادەبوونی د. فرسەت سۆفی پارێزگاری هەولێر، د. سالار عوسمان، بریکاری وەزارەتی رۆشنبیری و فەرهەنگ غەفوور، بەڕێوەبەری گشتیی رۆشنبیری و هونەری هەولێر و ژمارەیەکی بەرچاو لە بەرپرسانی حکومی و حزبی و هونەرمەندان و رۆشنبیران و خانەوادەی هونەرمەند بەڕێوەچوو.

 

لە دەسپێکی رێوڕەسمەکەدا، فۆتۆگرافەر فارس سەعدی وتاری دەستپێکردنی یادکردنەوەکەی پێشکەشکرد، دواتر وتاری مۆزەخانەی پەروەردە لەلایەن ئیسماعیل بەرزنجی خوێندرایەوە، پاشان وتاری وەزارەتی رۆشنبیری لەلایەن د. سالار عوسمان) و وتاری پارێزگاری هەولێریش لەلایەن د. فرسەت سۆفی پێشکەش کرا.

 

 
دوا بەدوای وتارەکان، فیلمێکی دیکۆمێنتاری لەباری ژیان و کارەکانی هونەرمەند بە هاوکاریی تەلەفزیۆنی قەڵات نمایشکرا، دواتر پەردە لەسەر پەیکەری هونەرمەند جەمال داوود لادرا کە لەلایەن مامۆستای ئەکادیمیای هونەرە جوانەکان ئەحمەد زەهاوی دروست کرابوو.

 

هەر لە رێوڕەسمەکەدا کتێبی (جەمال داوود.. پێشەنگێکی هونەری فۆتۆگرافی لە کوردستان) لە نووسین و ئامادەکردنی فارس سەعدی پێشکەش بە ئامادەبووان کرا، دواتر لەلایەن ئامادەبووانەوە گوڵ لەسەر پەیکەری هونەرمەند داندرا و وێنەی یادگارییان لەگەڵ گرت.

 

لە دوا بڕگەدا ئەحمەد جەمال داوودی کوڕی هونەرمەند، وتاری بنەماڵەکەی پێشکەش کرد و سوپاسی وەزارەتی رۆشنبیری و ئامادەبووانی کرد بۆ رێکخستنی ئەم رێوڕەسمە.

 

 

 





ئەم هەواڵە 496جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad