English | عربی | Kurdî دواهەواڵ
ڕاستەوخۆ  
 
 کۆمپانیای نەوتی بی پی لە کێڵگە نەوتییەکانی کەرکووک کشایەوە
2020-01-21 [02:18 AM]

ZNA- هه‌ولێر



بەهۆی ئەوەی حکومەتی عێراق گرێبەستی گەڕان و پشکنینی بیرە نەوتی نوێی بۆ کۆمپانیای "بی پی"ـی بەریتانی نەکرد، کۆمپانیا بەریتانییەکە لە کێڵگە نەوتییەکانی کەرکووک کشایەوە.
 
کۆمپانیای "بی پی"ـی بەریتانی بە ئاژانسی رۆیتەرزی رایگەیاندووە، "توێژینەوە جیۆلۆجییەکانی کێڵگەکانی کەرکووک هاندەرنەبوون بۆ مانەوەمان".
 
مانگی رابردوو کۆمپانیا بەریتانییەکە دەسەڵاتدارانی عێراقی ئاگادارکردووەتەوە لە کشانەوەی لە کێڵگە نەوتییەکە کە لە ساڵی 2013دا گرێبەستیان واژۆکردووە و ئێستا گرێبەستەکە کۆتایی هاتووە.
 
ئەو کشانەوەیە لەکاتێکدایە کە کۆمپانیا رۆژئاواییەکانی وزە لە عێراقدا بەهۆی ئەو خۆپیشاندان و ئاڵۆزییانەی چەند مانگی رابردوو و زیادبوونی گرژییەکانی نێوان ئەمریکا و ئێرانەوە پێداچوونەوە بە چالاکییەکانیاندا دەکەن.
 
سەرچاوەیەکی باڵا لە کۆمپانیای نەوتی باکوورەوە کشانەوەکەی کۆمپانیای "بی پی"ـی پشتڕاستکردووەتەوە.
 
بی پی جەخت لەوە دەکاتەوە کارەکانی کێڵگە نەوتییەکە و لێکۆڵینەوەکانی تەواوکردووە و ئاماژە بەوە دەکات، پێشنیازەکانی پەرەپێدانی ئەو کارانەی رادەستی کۆمپانیای نەوتی باکوور کردووە.
 
هاوکات کۆمپانیا بەریتانییەکە باسی لە گواستنەوەی ستافەکەی نەکردووە.





ئەم هەواڵە 2521جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad