English | عربی | Kurdî دواهەواڵ
ڕاستەوخۆ  
 
ترەمپ گەشتی ئەمریکا لە هاووڵاتییانی حەوت وڵاتی دیکە قەدەغە دەکات
2020-01-22 [10:03 AM]

ZNA- ھەولێر


سەرۆکی ئەمریکا گەشتکردن بۆ وڵاتەکەی لە هاووڵاتییانی حەوت وڵات قەدەغە دەکات.

رۆژنامەی (وۆڵ ستریت جۆرنال)ی ئەمریکی لە زاری سەرچاوەکانی بڵاوی کردووەتەوە، کە ئیدارەی ئەمریکا بە سەرۆکایەتیی دۆناڵد ترەمپ بە نیازە لیستێکی دیکەی ئەو وڵاتانە بڵاو بکاتەوە، کە ڤیزای ئەمریکا بە هاووڵاتییەکانیان نادرێ.

ماڵپەڕی (پۆڵەتیکۆ)ی ئەمریکی لە راپۆرتێکدا ئاماژەی بەوە کردووە، کە لیستی ناوی وڵاتەکان تەواو نەبووە و ئەگەر هەیە گۆڕانکاری تێدا بکرێت.

رۆژنامە ئەمریکییەکە ناوی حەوت وڵاتی بڵاو کردووەتەوە، کە ترەمپ بە نیازە پێدانی ڤیزای وڵاتەکەی بە هاووڵاتییانی، قەدەغە بکات.

ناوی وڵاتەکان بەپێی لیستە نوێیەکە:

- رووسیای سپی

- قیرغیزستان

- میانمانر (بۆرما)

- سوودان

- ئەریتریا

- تانزانیا

- نایجیریا

پێشتر ئاژانسی (ئەسۆشێیتد پرێس) لە زاری دوو بەرپرسی ئەمریکییەوە بڵاوی کردبووەوە، کە دۆناڵد ترەم سەرقاڵی ئامادەکردنی لیستەکەیە و چاوەڕوان دەکرێ لە 27ـی ئەم مانگە (مانگی 1ـی 2020)، ئاشکرای بکات.

دۆناڵد ترەمپ لە لیستە نوێیەکەدا، ناوی ئەو وڵاتانە ئاشکرا دەکات، کە ڤیزای ئەمریکا بە هاووڵاتیانیان نادرێ و بریتین لە ئێران، سووریا، یەمەن، سۆماڵ، لیبیا، ڤەنزوێللا و کۆریای باکوور.

پێشتریش لە ساڵی 2017، دۆناڵد ترەمپ لیستێکی ئەو وڵاتانەی بڵاو کردبووەوە، کە گەشتی هاووڵاتییەکانی بۆ ئەمریکا قەدەغەیە، بەڵام لەو لیستە نوێیەدا، ناوی ئەو وڵاتانە، کە بریتین لە عێراق، سودان و چاد، دەرهێندراوە.





ئەم هەواڵە 4519جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad