English | عربی | Kurdî دواهەواڵ
ڕاستەوخۆ  
 
چا ڤەخارنەک لگەل مەزنا ، مفا دارترە ل گوهداریا چیرۆکێن ئەفسانە یێن جاش سیغا
2020-01-23 [03:46 AM]

نڤیسینا : غیاس خالد زێباری


پشتی دەنگڤەدانا کۆمبوونا نێچیرڤان بارزانی سەرۆکێ هەرێما کوردستانێ لگەل دۆناڵد ترەمپ سەرۆکێ وەڵاتێن ئێکگرتی یێن ئەمریکا ل چارچۆڤێ کۆربەندێ نیڤ دەولەتیێ ئابووری یێ داڤۆس ل وەڵاتێ سووێسرا دەنگڤەدانەکا مەزنا ناڤخۆیی و دەرڤە ڤەدای و مەدیایێن جیهانی گرنگی پێ دای ، هندەک کوردێن خۆفرۆش و چاش سیغە و هەلگرێن ڤایرۆسێن دووبەرەکیێ و نەساخێن شیرپەنجەیا جاشایەتی و خۆفرۆشیێ و وەڵات فرۆشیێ و نووکەریا دوژمن و داگیرکارا ، دەست ب هەوەکا پرۆپاکندا کریە بۆ کێمکرنا سەنگ و بهایێ ڤێ کۆمبوونێ و راگەهاندیە کۆ دیدارا دناڤبەرا سەرۆک نێچیرڤان بارزانی و سەرۆک ترامپ چاڤەخارنەکا ( ۱۰ )  خۆلەکی بوویە نەک کۆمبوون . 
دیارە هێشتا پەند و عیبرەب ل دیرۆکا خۆ یا پڕی خیانەت و شەرمزاری و چاندنا تۆڤێ دووبەرەکیێ و دەڤە دەڤەرکانێ و نووکەریا دۆژمنا وەرنەگرتینە  . 
هێشتا خەونا ب لاوازکرنا پێگەهێ هەرێما کوردستانێ و سەرکردایەتیا پارتی دیموکرتی کوردستان دبین کۆ ئەڤرۆ خەلکێ کوردستانێ ب ئازادی و دیموکراسی باوەری دایێ ژبوو سەرکردایەتیکرنا هەرێما کوردستانێ و حکومەتا هەرێما کوردستانێ ، هەمی کوردێن هەلگرێن هەستا نەتەوی و نشتیمانی دیدەڤانن کۆ پاراستن و پێشڤەبرن و بهێزکرنا قەوارێ هەرێما کوردستانێ ژلایێ سیاسی و ئابووری و کارگێری و دبلۆماسی  لسەر دەستێ پارتی و سەرکردایەتیا وێ بوویە و باوەری ژی هەیە ل داهاتی ژی دا هەر پارتی یە ڤێ چەندێ ب ئەرکێ خۆ دزانیت و چ مننەت تێدا نیە ،  دڤان کاودانان دا پشکداریا نێچیرڤان بارزانی سەرۆکێ هەرێما کوردستانێ لڤێ کۆربەندا نیڤدەولەتی و کۆمبوونا لگەل سەرۆکێ ئەمریکا وەک مەزنترین و کاریگەرترین کەسایاتیێ جیهانی ژلایێ سیاسی و ئابووری و لەشکری و سەرۆکێ مەزنترین وەڵاتێ جیهانێ ، دەسکەفتەکێ زۆرێ مەزنە بۆ هەمی کوردستانێ و کوردستانیێن تەڤایا جیهانێ . 
چونکێ هێشتا ئەم وەکی کورد د قۆناغا خۆرزگارکرنێ داینە و نەتەوەکێ بێ دەولەتەکا خۆدان سەروەرینە ..!   ،
هێشتا هندەک وەڵاتێن هەرێمی بەردەوامن بۆ دارشتنا پیلانان دژی ڤێ نیمچە ئازادیێ .
پشکداریا سەرۆک نێچیرڤان بارزانی لڤی کۆربەندێ مەزن و دیدارێن لگەل مەزنە بەرپرسێن وەڵاتان شانازیەکا مەزنە چونکی هەرێما کوردستانێ ئێکەم هەرێمە لسەر ئاستێ جیهانێ ب فەرمی و شاندەکێ سەربخۆ تێدا پشکدار دبیت ، ئەڤ شانازی و سەروەرەیە ژی ژبۆ دبلۆماسیەت و سیاسەتا کاریزمایی و حەکیمانەیا سەرۆک نێچیرڤان بارزانی دزڤریت ، چونکی جەنابێ وی دارێژەرێ بناغێ پەیوەندیێن دبلۆماسی یێن سەردەمانەیا کوردستانێ یە پشتی خیانەتا شازدێ ئکتۆبەرا سالا ۲۰۱۷ و هەوڵێن هەرشیێن دوژمن و دیڤەلانکێن وان بۆ گەمارۆدانا کوردستانێ ژلایێ سیاسی و ئابووری و ژناڤبرنا قەوارێ هەرێما کوردستانێ .
دڤێرەدا دبێژینە وان پەیجێن ئێتیم و سێوی ئەوێن بۆ دژایەتیا پارتی و بارزانی هاتینە پەروەردەکرن و پشتەڤان و باوەردارێن وان ، ئەو دەم و هەوڵێن سەرۆک مەسعود بارزانی و سەرۆک نێچیرڤان بارزانی و پارتی بۆ تافیلکرنا روویێن وە یێن ڕەش و پڕ خیانەت و دووبەرەکی تەرخان کری ، ئەگەر لسەر دەم و گاڤێن ئازادی و رزگاری و ڤەژاندن و بهێزکرنا کوردستانێ بەنە ، ئەڤرۆ دا پرسا سیاسی و دبلۆماسی وئاڤەدانیا کوردستانێ د قۆناغەکا زۆرا پێشکەفتیتر دا بیت ، ئەگەر د سەربەخۆ ژی نەباینە ، دا زۆر نێزیکی سەرخۆبوونێ بین .
دەربارەی کۆمبوونا سەرۆک نێچیرڤان و ترەمپی ژی دا ، هوون زۆر چاک دزانن کۆ ل هوون ل راستیێ ددۆرن و چونکی ل کۆربەندا داڤۆس ب گشتی و سەرۆک ترامپی گرنگیەکا زۆر دایە سەرۆک و شاندێ هەرێما کوردستانێ و مینا وەڵاتەکێ سەربەخۆ بووە و دەمێ کۆمبوونا دناڤبەرا واندا زێدەتر ل ( ٤۰ ) چل خۆلەکا بوویە کۆ ئەڤەژی  زۆرترە ل دەمێ تەرخانکریێ لگەل سەرۆکێن زۆر وەڵاتان ژ وان یا لگەل سەرۆکێ ئیراقێ ، ژلایەکێ دیتر لپێش ئێخستنا کۆمبوونا لگەل سەرۆکێ هەرێمێ ل گەل سەرۆکێ کۆمارا ئیراقێ نیشانێ گرنگتربوونا و مەزنتر دیتنا کوردستانێ یە ل ئیراقێ .
دیارە هێشتا چاڤێن ڤان نەساخا ب دیتنا ئاڵایێ کوردستانێ بەرامبەر یێ ئەمریکا  ل خرڤەبوونەکا مەزنا نیڤ دەولەتی ڕانابن و هێشتا ل بەندێ نە هەرێما کوردستانێ بکەنە دیڤەلانک و خەلکەکێ نە کورد  نوونەرایەتا کوردستانێ و خەلکێ وێ بکەت ، دبێژینە وان چا ڤەخارنەکا بلەز و سەرپێ لگەل کەسایەتیێن مەزن و نوونەرێن وەڵاتێن مەزن ، باشترە ل گۆهداریکرنا درێژترین چیرۆکێن ئەفسانەیی یێن بێ بنەما ل دیوانخانێن چاش سیغا و ئەندازیارێن دووبەرەکیێ و خوون ڕێتنێ .





ئەم هەواڵە 2311جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad