English | عربی | Kurdî دواهەواڵ
ڕاستەوخۆ  
 
تاوەکو ئێستا 31 کەس بەهۆی بوومەلەرزەکەوە گیانیان لەدەستداوە
2020-01-26 [07:08 AM]

ZNA- هه‌ولێر


ژمارەی ئەو کەسانەی لە باکووری کوردستان بەهۆی بوومەلەرزەوە گیانیان لەدەستداوە بۆ 31 کەس بەرزبووەتەوە. 

 

سەرۆکایەتیی رووداوە سرووشتییەکان و فریاگوزاریی تورکیا رایگەیاند، بەهۆی بومەلەرزەکەی ئێوارەی رۆژی هەینی کە به‌گوڕیی 6.8 پله‌ی رێخته‌ر شارۆچكه‌ی سیڤیرجه‌ی سه‌ر به‌ پارێزگای خارپێتی هەژاند، ژمارەی ئەو کەسانەی گیانیان لەدەستدا بۆ 31 کەس بەرزبووەتەوە و یەک هەزار و 556 کەسیش سەردانی نەخۆشخانەکانیان کردووە. 

 

بەگوێرەی راگەیێندراوێک کە لە ماڵپەڕی فەرمی ئافاد بڵاوکراوەتەوە، 9 هەزار و 545 چادر رەوانەی ناوچەکە کراون و پێداویستییەکانی دیکە لە خۆراک و کەلوپەلی پێویست گەیێنراونەتە زیانلێکەوتووانی بومەلەرزەکە. 

 

دوای بومەلەرزە بەهێزەکەی خارپێت، 599 لەرینەوەی دیکە لە ناوچەکەدا تۆمار کراوە و ژمارەی ئەو کەسانەی لەژێر داروپەردووی باڵەخانەکاندا رزگار کراون بۆ 45 کەس بەرزبووەتەوە. 

 

لە سێیەمین رۆژی بوومەلەرزەکەدا گەڕانی تیمەکان لە ژێر داروپەردووی باڵەخانە رووخاوەکاندا بەردەوامن. 





ئەم هەواڵە 4270جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad