English | عربی | Kurdî دواهەواڵ
ڕاستەوخۆ  
 
ماوەی پێشکەشکردنی خوێندنی دبلۆمی باڵا و ماستەر و دکتۆرا درێژ کرایەوە
2020-01-26 [12:32 PM]

ZNA-هەولێر


وەزارەتی خوێندنی باڵا و توێژینەوەی زانستیی حکوومەتی ھەرێمی کوردستان، بڕیاری دا بە درێژکردنەوەی ماوەی پێشکەشکردن بۆ خوێندنی باڵا/ دبلۆمی باڵای یەک ساڵە و ماستەر و دکتۆرا، لەھەمان کاتدا بڕیاری گۆڕانگاری لە وادەی ئەنجامدانی تاقیکردنەوەی توانستی زانستی و دەستپێکردنی ساڵی خوێندنیش کرد.

ئەمڕۆ یەکشەممە ٢٦/١/٢٠٢٠، وەزارەتی خوێندنی باڵا و توێژینەوەی زانستی ڕاگەیاندراوێکی بڵاو کردەوە ، تێیدا عەباس ئەکرەم، گوتەبێژی وەزارەتەکە ئاماژەی بەوە داوە، لەپێناو بەرژەوەندیی گشتی و ڕەخساندنی دەرفەتی زیاتر بۆ خوازیاران و پێشکەشکارانی خوێندنی باڵا/ دبلۆمی باڵای یەک ساڵەی ئەکادیمی و ماستەر و دکتۆرا، لەسەر ڕاسپاردەی د. ئارام محمد قادر، وەزیری خوێندنی باڵا و توێژینەوەی زانستی، وەزارەتی خوێندنی باڵا بڕیاری دا بە درێژکردنەوەی ماوەی پێشکەشکردن و ئەنجامدانی تاقیکردنەوەی توانستی زانستی، بەمەش گۆڕانکاری بەسەر ماوەی پێشکەشکردن و تاقیکردنەوەکان و دەستپێکردنی ساڵی خوێندن دێت، گۆڕانکارییەکانیش بەم شێوەیەی خوارەوە دەبێت:

- ماوەی پێشکەشکردن بۆ خوێندنی باڵا/دبلۆمی باڵا و ماستەر و دکتۆرا: تاوەکوو ڕۆژی یەکشەممەی داھاتوو ٢/٢/٢٠٢٠ درێژ کرایەوە.

- تاقیکردنەوەی توانستی زانستی: ڕۆژی دووشەممە ١٠/٢/٢٠٢٠ ئەنجام دەدرێت.

- دەستپێکردنی خوێندن: ڕۆژی ١/٣/٢٠٢٠





ئەم هەواڵە 2731جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad