English | عربی | Kurdî دواهەواڵ
ڕاستەوخۆ  
 
وەزیری تەندروستیی تورکیا: بەهۆی بوومەلەرزەوە 35 کەس گیانیان لەدەستداوە
2020-01-26 [01:06 AM]

ZNA- هه‌ولێر


بەهۆی بوومەلەزرەکەی باکووری کوردستان تاوەکو ئێستا 35 کەس گیانیان لەدەستداوە و وەزیری ناوخۆی تورکیا دەڵێت، ئەوانەی خانووەکانیان تێکچووە و رووخاوە، خانوویان بەکرێ بۆ دەگیرێت و حکومەت کرێکەی دەدات.

 

فەخرەدین کۆجا، وەزیری تەندروستی تورکیا لە کۆنگرەیەکی رۆژنامەڤانیدا دوایین ئاماری قوربانییەکانی خستەڕوو و گوتی: "39 کاژێر بەسەر بوومەلەرزەکەی خارپێت تێپەڕ بووە و بەهۆی بوومەلەزرەوە 35 کەس گیانیان لەدەستداوە. هەزار و 607 کەس سەردانی نەخۆشخانەکانیان کردووە. ئێستا لە نەخۆشخانەکاندا 104 کەس چارەسەر وەردەگرن و ژمارەی ئەو بریندارانەش کە لە خارپێت لەژێر چاودێری چڕدان بۆ 13 کەس کەمبووەتەوە".

 

وەزیری تەندروستی ئاماژەی بەوەدا، تیمەکانیان بە 2 هەزار و 625 کارمەندەوە لە گۆڕەپانەکەدا خزمەتگوزاری پێشکەش دەکەن. 

 

هەروەها سلێمان سۆیلو وەزیری ناوخۆی تورکیا لە کۆنگرەیەکی رۆژنامەڤانیدا دوایین ئامار و زانیارییەکانی لەبارەی بوومەلەرزەکەی باکووری کوردستان خستەڕوو و رایگەیاند، تاوەکو ئێستا لە خارپێت 6 هاووڵاتی لە ژێر داروپەردووی باڵەخانە رووخاوەکاندا ماون و 45 هاووڵاتییش رزگار کراون.

 

وەزیری ناوخۆی تورکیا ئاماژەی بەوەشدا کە لە گەڕەکی مستەفا پاشا کارەکانی گەڕان کۆتایی هاتووە، بەڵام پشکنینەکان بەردەوامن. هەروەها گوتی، لە بەیانییەوە لە رێگەی قایمقامییەتەکان بە هاوئاهەنگی لەگەڵ پارێزگاکان دەستدەکرێ بە پێدانی هاوکاری نەقدی بەو خێزانانەی بەهۆی بوومەلەرزەکەوە زیانیان بەرکەوتووە، برینداریان هەبووە، ئەندامانی خێزانەکەیان گیانیان لەدەستداوە و خانووەکانیان زیانی بەرکەوتوە و بێ شوێن ماونەتەوە.  

 

بەگوتەی وەزیری ناوخۆی تورکیا، ئەو هاووڵاتیانەی خانووەکانیان رووخاوە یان بەشێوەیەکی لێهاتووە کە ناتوانن تێیدا بژین، خانووی کرێیان بۆ دەگیرێت و کرێی خانووەکە لەلایەن حکومەتەوە دەدرێت تاوەکو خانوویەکی نوێیان بۆ دروستدەکرێت.

 

لەبارەی ئەو هاوکاریانەی رەوانەی ناوچەکە کراون و ئەوانەش کە لە پارێزگاکانی دیکەی تورکیا کۆدەکرێنەوە و بۆ زیانلێکەوتوان رەوانە دەکرێن، سلێمان سۆیلو گوتی، زیاتر لە 10 هەزار چادر رەوانەی ناوچەکە کراون. لە خارپێت و مەڵەتی 6 هەزار و 455 چادریان دامەزراندوون و داوایکرد، کەس لە خۆیەوە بەبێ هاوئاهەنگی لەگەڵ ئافاد کەلوپەل رەوانەی خارپێت و مەڵەتی نەکات. 





ئەم هەواڵە 4357جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad