English | عربی | Kurdî دواهەواڵ
ڕاستەوخۆ  
 
بۆچی نابێت چا بدرێت بە منداڵ
2020-01-27 [12:39 PM]

​ZNA- هەولێر


خواردنەوەی چا بۆ منداڵان کاریگەری نەرێنی لەسەر تەندروستیان هەیە، پێویستە منداڵ تا تەمەنی 6 ساڵ چا نەخواتەوە، دوای تەمەنی 6 ساڵی پێویستە رون بێت و رێژەی شەکری کەم بێت، پشدەر عبداللە، پسپۆڕی نەخۆشیەکانی منداڵان زیانەکانی چای خستوەتەڕو.

یەکەم: بەهۆی ئەوەی چا بڕێکی زۆر کافاینی تێدایە، دەبێتە هۆی بەرزبونەوەی فشاری خوێن و دروست کردنی دودڵی، دڵەڕاوکێ و چالاک بونی منداڵەکە، کێشە بۆ خەوی منداڵەکە دروست دەکات.

دوەم: چۆن لە کەسانی پێگەیشتو کاریگەری هەیە و سەر ئێشە دروست دەکات ئەگەر رۆژێک نەتوانیت بیخۆیتەوە بەهەر هۆیەک، ئەوە لە منداڵیش دوای فێربونی ئەگەر رۆژێک نەیخواتەوە ئەوە توشی سەرئێشەو توڕەبون دەبێت.

سێیەم: ئەگەر لە جیاتی کوپێک چا کوپێک شیری پێبدەیت، وزەیەکی زۆرترو تەندروستتر دەبەخشێت بە منداڵەکە چونکه گەدەی منداڵ بچوکە، بۆیە لەوانەیە بە چاکە بڕێکی زۆر گەدەی داگیربکات و نەهێڵێت جێگەی خواردنی سودبەخشی تر ببێتەوە.

چوارەم: لەبەر ئەوەی منداڵ بڕێکی زۆر شەکر دەکاتە چایەکەوە بۆیە زیانێکی زۆر بە ددانەکانی دەگەیەنێت.

پێنجەم: لەبەر ئەوەی چا وەکو دەرمانی میزپێکەر کاردەکات بۆیە ئەبێتە هۆی بەفیڕۆدانی بڕێکی زۆر کالسیۆم لە میزدا.

شەشەم: زۆربەی کات کێشەی گەدە وەک دڵەکزێ بۆ منداڵ دروست دەکات.

هەندێک سەرچاوە دەڵێن کە چا ئەبێتە هۆی کەمتر هەڵمژینی ماددەی ئاسن لە ریخۆڵەکانداو دواتر ئەبێتە هۆی کەمخوێنی بەڵام هەندێ سەرچاوە ڕەتی ئەوە ئەکەنەوە کە هیچ پەیوەندیەکی بەوەوە هەبێت، لەوانەیە زیاتر بەهۆی کەم خواردنی خۆراکی سودبەخشەوە هەبێت لە ئەنجامی زۆر خواردنەوە چاوە.





ئەم هەواڵە 4288جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad