English | عربی | Kurdî دواهەواڵ
ڕاستەوخۆ  
 
وەزیری دەرەوەی ئەمریکا و سەرۆکوەزیرانی عێراق پەیوەندییەکی تەلەفۆنیان ئەنجامدا
2020-01-27 [07:54 AM]

ZNA- هەولێر


نووسینگەی راگەیاندنی سەرۆکوەزیرانی عێراق لە راگەیێندراوێکیدا بڵاویکردووەتەوە، عادل عەبدولمەهدی، سەرۆکوەزیرانی عێراق ئەمڕۆ دووشەممە لەلایەن مایک پۆمپەیۆ، وەزیری دەرەوەی ئەمریکا پەیوەندییەکی تەلەفۆنی بۆهاتووە. لە پەیوەندییە تەلەفۆنییەکەیاندا، جەختیان لەسەر پەیوەندییە دووقۆڵییەکانی نێوان بەغدا و واشنتن کردووەتەوە و هەروەها ئیدانەی هێرشەکانی ئەم دوایەی سەر باڵیۆزخانەی ئەمریکایان لە بەغداکردووە. 
بەپێی راگەیێندراوەکە، هەردوولا باسیان لەوەکردووە کە دەبێت رۆڵی هێزەکانی عێراق لە پاراستنی باڵیۆزخانەی ئەمریکا لە بەغدا زیاتر بکرێت، لێکۆڵینەوە لەو رووداوە بکرێت و رێگری بکرێت لەوەی جارێکی دیکە هێرشی هاوشێوە دووبارە ببێتەوە. 
عادل عەبدولمەهدی باسی لە گرنگی هێورکردنەوەی دۆخی ناوچەکە، رێزگرتن لەسەروەری خاکی عێراق و بڕیارەکانی و دەستوەرنەدان لە کاروباری نێوخۆی عێراق کردووە.

لەبەرامبەریشدا وەزیری دەرەوەی ئەمریکا ئامادەیی وڵاتەکەی دەربڕیوە بۆ ئەنجامدانی گفتوگۆی جیدی لەگەڵ حکومەتی عێراق سەبارەت بە ئامادەبوونی هێزە بیانییەکان لە وڵاتەکە و هەروەها هاوکاربوون لە پارێزگاریکردن لە سەروەری عێراق.

 





ئەم هەواڵە 469جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad