English | عربی | Kurdî دواهەواڵ
ڕاستەوخۆ  
 
هۆکارەکانی سوورهەڵگەڕانی رەنگی میز چین
2020-01-28 [10:19 AM]

​ZNA- هەولێر


 


سورهەڵگەڕانی رەنگی میز کۆمەڵێک هۆکاری هەن، هەندێ جار هۆکارەکان بێ زیانن و پێویستیان بە چارەسەر نییە و هەندێجاریش دەرخەری گرفتێکی تەندروستی جددییە کە دەبێت راوێژی پزیشکی بۆ بکرێت و چارەسەر وەربگیرێت. 

سووربوونی رەنگی میز هەمیشە مانای ئەوە ناگەیەنێت کە خوێن لەنێویدایە، ئەمانە هەندێک هۆکاری سوورهەڵگەڕانی میزن: 

خۆراک و دەرمان
هەندێ جۆری خۆراک هەن کە خواردنیان دەبێتەهۆی سووربوونی رەنگی میز، لەوانە چەوەندەر و بلاکبێری، هەروەها بەکارهێنانی هەندێک جۆری دەرمان وەک دەرمانی ( ریفامپیسین) .

هەوکردن
هەوکردن یەکێکە لە هۆکارە سەرەکییەکانی بوونی خوێن لەنێو میزدا، هەوکردنەکە دەکرێ لە گورچیلە، بۆڕییەکانی میز یان میزڵدانەوە بێت، هەوکردنیش ئەو کاتە سەرهەڵدەدات کە بەکتریا لەرێگەی میزەڕۆوە دەگاتە میزڵدان و دواتر تەشەنەدەسەنێت بۆ گورچیلەکان، نیشانەکانی هەوکردنی کۆئەندامی میزەڕۆش بەگشتی بریتین لە ئازار لەکاتی میزکردن، زوو زوو میزکردن و میزی خوێناوی.

گەورەبوونی پرۆستات
لەو پیاوانەی تەمەنیان سەروو 45 ساڵە، یەکێک لە هۆکارەکانی بوونی خوێن لەنێو میزدا دەگەڕێتەوە بۆ گەورەبوونی پرۆستات، کە رژێنێکە لەنێوان چووک و میزڵدان هەڵکەوتووە، کاتێک رژێنەکە گەورەدەبێت پەستان دەخاتە سەر میزەڕۆ و ئەمەش دەبێتەهۆی هەوکردن و بوونی خوێن لەنێو میزدا.

شێرپەنجە
میزی خوێناوی بەتایبەت لەو کەسانەی بەتەمەنن لەوانەیە نیشانەی شێرپەنجەی گورچیلە یان میزڵدان بێت. بەڵام ئەمە هەمیشە لە قۆناخە پەرەسەندووەکانی شێرپەنجەکە دەردەکەوێت.





ئەم هەواڵە 1207جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad