English | عربی | Kurdî دواهەواڵ
ڕاستەوخۆ  
 
وەزارەتی تەندروستی: هیچ حاڵەتێکی کۆرۆنا لە هەرێمی کوردستان تۆمارنەکراوە
2020-01-28 [11:14 AM]

​ZNA- هەولێر



وەزارەتی تەندروستیی هەرێمی کوردستان رەتیدەکاتەوە هیچ حاڵەتێکی کۆرۆنا لە هەرێمی کوردستان تۆمارکرابێت و لە راگەیێندراوێکدا وەڵامی "چەند پەیج و میدیایەک" دەداتەوە کە "بەبێ هیچ سەرچاوەیەک و دوور لە راستی و بەبێ هیچ بنەمایەک هەواڵی بوونی ئەم نەخۆشییەیان بڵاوکردووەتەوە".
 
لە راگەیێندراوەکەی وەزارەتی تەندروستی ئاماژە بەوە کراوە، جگە لە وەزارەتی تەندروستی و ڕێکخراوی تەندروستیی جیهانی  لەسەر ئاستی جیهان، هیچ لایەنێکی دیکە بە سەرچاوەی فەرمیی بڵاوبوونەوەی ئەم هەواڵانە دانانرێت.
 
د. سامان بەرزنجی، وەزیری تەندروستیی هەرێمی کوردستان هەر لەبارەی دەنگۆی بوونی حاڵەتی تووشبوون بە ڤایرۆسی کۆرۆنا دەڵێ "هاونیشتمانیان دڵنیادەکەینەوە کە تووشبوون بە ڤایرۆسی کۆرۆنا لە کوردستان تۆمارنەکراوە و رێکاری پێویستمان بۆ پاراستنی هاونیشتمانیان گرتووەتەبەر".
 
تووشبوون بە ڤایرۆسی کۆرۆنا لە ماوەی رابردوودا، جگە لە چین، لە چەند وڵاتێکی دیکەی جیهان تۆمارکراوە و تاوەکو ئێستا زیاتر لە سێ هەزار کەس تووشبوون، 81 تووشبووش گیانیان لەدەستداوە.
 
 
دەقی راگەیێندراوەکەی وەزارەتی تەندروستیی هەرێمی کوردستان:
 
راگەیێندراوێک لە وەزارەتی تەندروستیی حکومەتی هەرێمی کوردستانەوە
 
وەزارەتی تەندروستیی حکومەتی هەرێمی کوردستان بۆ رای گشتی و دامودەزگاکانی میدیا ڕایدەگەیێنێت، هیچ حاڵەتێکی نەخۆشیی ڤایرۆسی کۆرۆنای نوێ لە هەرێمی کوردستان نییە و تۆمارنەکراوە.
 
بەداخەوە لە چەند پەیج و میدیایەک بەبێ هیچ سەرچاوەیەک و دوور لە راستی و بەبێ هیچ بنەمایەک، هەواڵی بوونی ئەم نەخۆشییەیان بڵاوکردووەتەوە. لێرەدا هاووڵاتییانی خۆشەویست دڵنیادەکەینەوە کە دامودەزگاکانی تەندروستی زۆر بە وردی و بە بەردەوامی چاودێریی رەوشی ئەم نەخۆشییە دەکەن بە هەماهەنگی لەگەڵ لایەنە پەیوەندیدارە نێودەوڵەتییەکان و ڕێکارە پێویستەکان دەگیرێنەبەر بۆ رێگەگرتن لەم نەخۆشییە، هەروەها رایدەگەیەنین کە جگە لە وەزارەتی تەندروستی و ڕێکخراوی تەندروستیی جیهانی WHO لەسەر ئاستی جیهان، هیچ لایەنێکی دیکە بە سەرچاوەی فەرمی بڵاوبوونەوەی ئەم هەواڵانە دانانرێت.
 
وەزارەتی تەندروستی حکومەتی هەرێمی کوردستان 27ی کانوونی دووەمی 2020





ئەم هەواڵە 1879جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad