English | عربی | Kurdî دواهەواڵ
ڕاستەوخۆ  
 
توێژینەوەیەكی نوێ "چارەسەری تەواوی جۆرەكانی شێرپەنجە دەكات"
2020-01-28 [12:05 PM]

​ZNA- هەولێر



دۆزینەوەی بەشێك لە سیستمی بەرگری جەستەی مرۆڤ لە توێژینەوەی زانكۆیەكی بریتانی و پەرەپێدانی ئەو زانیارییە نوێیە لەوانەیە ببێتە هۆی چارەسەركردنی سەرجەم جۆرەكانی شێرپەنجە.

لە توێژینەوەیەكی نوێی  زانكۆی كاردیف لە وەیڵز سەر بە شانشینی یەكگرتوی بریتانیا، توێژەران رێگەیەكی نوێیان دۆزیوەتەوە بۆ كوشتنی خانە شێرپەنجەییەكانی پرۆستات، مەمك، سنگ و جۆرەكانی دیكەی شێرپەنجە لە تاقیگەكاندا.

بەپێی ئەو توێژینەوە نوێیەی لە پێگە زانستییە تەندورستییەكان بڵاوكراوەتەوە، تا ئێستا توێژینەوەكە لەسەر نەخشانی شێرپەنجە تاقینەكراوەتەوە، بەڵام توێژەران دەڵێن "دۆزینەوە نوێیەكە توانستی گەورەی هەیە"، هەرچەندە كارەكان لەوبارەیەوە لە سەرەتایدایە، بەڵام زۆر چێژبەخشە و هیوا دەگەڕێنێتەوە.

دۆزینەوە نوێیەكە

سیستمی بەرگری جەستەی مرۆڤ لە كاركردنیدا بە شێوەیەكی ئاسایی دژ بە پەتا و نەخۆشی و تەنە نامۆكانی جەستە دەجەنگێت، لە هەمانكتدا دژ بە خانە شێرپەنجەییەكانیش دەجەنگێت.

لە توێژینەوە نوێیەكەدا، زانایان بەدوای رێگەیەكی جیاواز و بەكارنەهاتودا گەڕاون لە سیستمی بەرگری جەستەی مرۆڤدا، كە بتوانێت گرێ و خانەكانی شێرپەنجە بەئامانجبگرێت، سەرەنجام خانەیەكی T (تی) لە خوێنی مرۆڤدا دۆزراوەتەوە كە بەشێكە لە سیستمی بەرگری و دەتوانێت بونی مەترسی لە جەستەدا دەستنیشانبكات بۆ بەئامانجگرتنی.

جیاوازی نێوان ئەو هەنگاوە و هەنگاوەكانی پێشتر ئەوەیە، ئەم هانەیەی لە توێژینەوە نوێیەكەدا دۆزراوەتەوە توانای دەستنیشیانكردنی رێژەیەكی بەرفراوانتری خانە و گرێ شێرپەنجەییەكان هەیە.

پرۆفێسۆر ئاندریو سێوێڵ، یەكێك لە توێژەرانی ئەو بابەتە لەوبارەیەوە رایگەیاند "هیوایەك هەیە كە سەرجەم نەخۆشانی شێرپەنجە بەم رێگەیە چارەسەربكەین، كە پێشتر هیچ كەسێك باوەڕی نەبوە ئەو كارە ئەنجامبدرێت".

چۆنیەتی كاركردنی چارەسەرەكە

خانەی T لە خوێندا وەرگری هەیە، كە توانستی بینینی كیمیایی دەداتە خانەكان، تیمی توێژەرانی ئەو زانكۆیە بۆیان دەركەوتوە، خانەكە لەگەڵ وەرگرەكەیدا كە پێكەوە توانای دەستنیشانكردن و كوشتنی رێژەیەكی زۆر لە خانە شێرپەنجەییەكانیان هەیە، لەوانە خانە شێرپەنجەییەكانی سییەكان، پێست، خوێن، كۆڵۆن، مەمك، ئێسك، پرۆستات، ئەندامی زاوزێ و گورچیلە".

ئەو رێكارە چارەسەرییەش بە شێوەیەك كاردەكات، كە زیان بە خانە بێزیان و ئاساییەكان ناگەیەنێت، بەڵام هێشتا لێكۆڵینەوەكان لە چۆنیەتی كاركردنی پرۆسەكە بە گشتی بەردەوامە.

وەرگرەكانی خانەی T، لەگەڵ گەردێكدا هەماهەنگیان هەیە كە پێی دەوترێت MR1، كە ئەو گەردە لەسەر روكاری سەرجەم خانەكانی نێو جەستەی مرۆڤدا بونی هەیە بەپێی بۆچونە زانستیەكان MR1مێتابۆلیسم و سیستمی خۆراكی نێو خانە شێرپەنجەییەكان بەرەو سیستمی بەرگری دیاریدەكات.

 یەكێك لە توێژەرانی توێژینەوە نوێیەكە لەوبارەیەوە رایگەیاند "ئێمە یەكەم كەسین دۆزیومانەتەوە كە  خانەی T توانای دۆزینەوەی MR1ی هەیە لەنێو خانە شێرپەنجەییەكاندا، ئەمە یەكەمینجارە و پێشتر هیچ كەسێك ئەو زانیاریەی نەدۆزیوەتەوە".

چۆنیەتی ئەنجامدانی چارەسەرییەكە

لە پرۆسەكەدا، نمونەیەك لە خوێنی توشبوەكە وەردەگیرێت، دواتر خانەكانی T جودا دەكرێنەوە و بە پرۆسەیەكی گۆڕانكاری جێنێتیكیدا تێدەپەڕن، كە لە ئەنجامدا توانای دۆزینەوەی وەرگرەكانی خانە شێرپەنجەییەكانیان هەبێت.

پرۆسەكە بە تەواوی هاوشێوەی پرۆسەی چارەسەری CAR-Tە، بەڵام زانیاری ناو توێژینەوە نوێیەكەی تێدا بەكاردەهێنرێت، ئەوەش لەكاتێكدایە ئەو توێژینەوە نوێیە تا ئێستا تەنها لەسەر خانەی ئاژەڵ تاقیكراوەتەوە لە تاقیگەدا، بە مەبەستی تاقیكردنەوەی لەسەر خانەی مرۆڤیش پرۆسەكە پێویستی بە ژمارەیەك رێكاری زۆر هەیە بۆ دڵنیابونەوە لە سەلامەتی زانیاریە نوێیەكە.





ئەم هەواڵە 3562جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad