English | عربی | Kurdî دواهەواڵ
ڕاستەوخۆ  
 
چین... ژمارەی گیانلەدەستدان به‌هۆی ڤایرۆسی کۆرۆناوه‌ 100 كه‌سی تێپه‌ڕاند
2020-01-28 [11:09 AM]

ZNA - هه‌ولێر


 

ئه‌مڕۆ سێشەممە لیژنەی تەندروستی نیشتیمانی چین لە بەیاننامەیەکدا وتی هەتاوەکو 27 ی كانونی دووه‌م کۆی حاڵەتەکانی توشبووان بە ڤایرۆسی کۆرۆنا بەرزبۆتەوە بۆ 4515 کەس و 106 كه‌سیش گیانیان له‌ده‌ستداوه‌.

کۆمپانیایەکی گشتی گواستنەوە لە بێجینگی پایتەختی چین ڕایگەیاند زۆربەی خزمەتگوزارییەکانی گواستنەوە بۆ هەرێمی هوبی ڕادەگرێت کە بە هەمان شێوەی شارەکانی دیکە ڤایرۆسەکەی تیادا بڵاوبووه‌ته‌وه‌.

لەلایەکی دیکەوە ئەمەریکا و کۆمەڵێک وڵاتی دیکە ئامادەکاری بۆ هێنانە دەرەوەی هاوڵاتیانیان لەو شارە داخراوەدا دەکەن کە ناوەندی بڵاوبوونەوەی ڤایرۆسەکەیە.

لەو 25 کەسەی کە ڕۆژی سێشەممە توشی ڤایرۆسەکە بوون، کەسێکیان لە پایته‌ختی چینه‌ و 24 کەسەکەی دیکە لە هەرێمی هوبین.

کونسوڵخانەی ئەمەریکا لە شاری وهانی چین کە کاربەدەستانی شارەکە زۆربەی دەروازەکانی شارەکەیان داخستووە، خۆیان ئامادە دەکەن بۆ ئەوەی لەڕێی فڕۆکەوە دیبلۆماتکارەکانیان و هەندێک هاوڵاتی ئەمەریکی دیکە لە شارەکە دەربهێنن. هەروەها ژاپۆن و کۆریای باشووریش لەم هەفتەیەدا فڕۆکە دەنێرن بۆ وهان تاوەکو هاوڵاتیانیان لەو شارە دەربهێنن. فەڕەنسا و مەنگۆلیا و وڵاتانی دیکەش هەمان پلانیان هەیە بۆ دەرهێنانی هاوڵاتیانیان لە شارەکەدا.

 

رۆیته‌رز





ئەم هەواڵە 4036جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad