 |
|
|||
ZNA – هەولێر سەرۆكی فەلەستین پلانەكەی ئەمەریكا بۆ ئاشتی رەتدەكاتەوە و رایدەگەیەنێت، قودس و مافەكانی گەلی فەلەستین بۆ فرۆشتن نین و ئەوروپاش پلانەکە بەدەرفەتی ئاشتی ناودەبات. مەحموود عەباس، سەرۆكی فەڵەستین رایگەیاند، نە ئۆرشەلیم و نە مافەكانی گەلی فەڵەستین بۆ فرۆشتن نین، پلانەكەش بە پیلانگێڕیی ناودەبات و جەختیش دەكاتەوە، ھیچ دەوڵەتێكمان ناوێت بەبێ قودس یاخود ئۆرشەلیم. لەلایەكی دیكەوە، سەلمان بن عەبدولعەزیز، پاشای سعوودیە لە پەیوەندییەكی تەلەفۆنیدا لەگەڵ مەحموود عەباس، رایگەیاند، ھەڵوێستیان نەگۆڕە و پشتیوانی لە مافەكانی فەڵەستین دەكەن. ھاوكات یەكێتی ئەوروپا پاڵپشتی خۆی بۆ پلانەكە دەربڕی و جۆسیپ بۆرێل، سەرۆكی دیبلۆماسیەتی یەكێتی ئەوروپا رایگەیاند، پلانەكە دەرفەتێكی نوێیە بۆ چارەسەركردنی ئاشتییانەی كێشەی فەلەستین و ئیسرائیل . دوێنێ سێشەممە، سه‌رۆكی ئه‌مه‌ریكا، دۆناڵد تره‌مپ، ده‌قی ناوه‌ڕۆكی ئه‌و ڕێككەوتنەی راگه‌یاند، كه له باره‌ی چاره‌سه‌ری كێشه‌ی فه‌له‌ستین – ئیسرائیل، ئیداره‌كه‌ی ئاماده‌ی كردووه و تیایدا لە 50 لاپەڕەدا، بۆچوونی خۆی بۆ چارەسەکردنی کێشەکان خستەڕوو. ئەم هەواڵە 3880جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad