English | عربی | Kurdî دواهەواڵ
ڕاستەوخۆ  
 
لە هەولێر یادی شانۆکار تەڵعەت سامان کرایەوە
2020-01-29 [05:32 AM]

هەولێر – ZNA


ئەمڕۆ چوارشەممە، رێوڕەسمێكی تایبەت بەبۆنەی ساڵیادی كۆچی دوایی تەڵعەت سامان، نووسەر و هونەرمەندی شانۆکار لە هۆڵی راگەیاندن لە هەولێربەڕێوەچوو.

 

رێوڕەسمەکە لەلایەن دەزگای رۆشنبیری و راگەیاندنی پارتی و خانەی موكریانی بۆ چاپ و بڵاوكردنەوە و بە ئامادەبوونی مەحموود محەممەد، بەرپرسی دەزگای رۆشنبیری و راگەیاندنی پارتی دیموكراتی كوردستان و ژمارەیەک لە بەرپرسان، هونەرمەندان و رۆشنبیران  سازکرا.

 

لە رێوڕەسمەکەدا چەند وتارێک خوێندرانەوە، تێیدا تیشک خرایە سەر کار و بەرهەمەکانی ئەو هونەرمەندە، دواتر کۆی شانۆنامەکانی لە دوو بەرگدا بەسەر ئامادەبوواندا دابەشکرا.

 

هەر لە یادکردنەوەکەدا خەڵاتی رێزلێنان بە بنەماڵەی هونەرمەند تەڵعەت سامان بەخشرا، خەڵاتێکی رێزلێنانیش بە فەرەیدوون سامان، برای هونەرمەد بەخشرا کە بەرهەمە شانۆییەکانی براکەی لەئەستۆ گرتبوو.

 

تەڵعەت سامان ساڵی 1946 لە هەولێر لەدایک بووە، ساڵی 1970 بەکالۆریۆسی لە بەشی شانۆی ئەکادیمیای هونەرە جوانەکانی بەغدای بەدەستهێناوە.

 

ساڵی 1962 تیپی قوتابیانی هونەری بەغدای دامەزاندووە، ساڵی 1969 وەک دەرهێنەێک لە چەندین دراما، زنجیرەی تەلەفزیونی و شانۆییدا کاری کردووە.

 

ساڵی 1970 تیپی لاوانی دیموکراتی کوردستانی دامەزراندوە، داڵی دواتر لقی هەولێری کۆمەڵەی هونەر و وێژەی کوردی دامەزراندووە.

 

ئەو نووسەرە شانۆییە ساڵی 1974 تیپی هونەری نوێی دامەزراندووە و ساڵی 1992 تیپی شانۆیی سامانی دامەزراندووە، ساڵی 1996 وەک سەرۆکی لقی هەولێری یەکێتی هونەرمەندانی کوردستان دەستنیشانکراوە، واتریش وەک سەرۆکی مەڵبەندی گشتیی کۆمەڵەی هونەر و وێژەی کوردی لە شاری هەولێر.

 

تەڵعەت سامان هەروەها وەک نووسەر و وەرگێڕ خاوەنی چەندین بەرهەمە لە بواری شانۆدا.

 

تەڵعەت سامان لە 14 کانوونی دووەمی 2019 بە رووداوێکی هاتوچۆ لە نێوان پیرمام و هەولێر گیانی لەدەستدا و ماڵئاوایی لە ژیان کرد.





ئەم هەواڵە 724جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad