English | عربی | Kurdî دواهەواڵ
ڕاستەوخۆ  
 
یەکێتی تۆپی پێی کوردستان چەند بڕیارێکی نوێ دەردەکات 
2020-02-01 [03:40 AM]

ZNA- ھەولێر 



ئەمڕۆ شەممە ١/٢/٢٠٢٠ بە ئامادەبوونی سەرۆک و جێگر و سەرجەم ئەندامەکانی، یەکێتی تۆپی پێی کوردستان کۆبوونەوەی ئاسایی خۆی ئەنجامدا و، ئەم بڕیار و راسپاردانەی خوارەوەی دەرکرد:

١- نووسراوی ژمارە ٣٦٨ لە رێکەوتی ٢٠/١/٢٠٢٠ رەزامەندی وەرگیرا، کە تایبەتە بە کردنەوەی پاڵەوانیەتی شەھیدانی یەکی شوبات بۆ ئەکادیمیایەکانی تۆپی پێی عێراق، بۆ لە دایکبووانی ٢٠٠٣/٢٠٠٤.
٢- نووسراوی لقی ھەولێری یەکێتی تۆپی پێی عێراق بە ژمارە ٤ لە رێکەوتی ٢٥/١/٢٠٢٠ رەزامەندی وەرگیرا، کە تایبەتە بە کردنەوەی خولی راھێنانی (سی) ئاسیایی لە رێکەوتی ١/٢/٢٠٢٠ تا ١٤/٢/٢٠٢٠.
٣- نووسراوی لقی کەرکووکی یەکێتی تۆپی پێی عێراق بە ژمارە ٤ لە رێکەوتی ١٩/١/٢٠٢٠ رەزامەندی وەرگیرا، کە تایبەتە بە کردنەوەی خولی راھێنانی (سی) ئاسیایی.
٤- ئەو راھێنەرانەی بە فەرمی بڕوانامەی (سی) ئاسیایی بۆ نەھاتووەتەوە ناتوانن راھێنەرایەتی بکەن، تاکو بڕوانامەکەیان پێشکەش بە یەکێتی تۆپی پێی کوردستان نەکەن.
٥- ئاگاداری یەکێتی تۆپی پێی لقی پارێزگەکان دەکەینەوە، ساڵانە تەنیا دەتوانن یەک خولی راھێنەرانی (سی) ئاسیایی بکەنەوە، بە پێچەوانەوە بڕوانامەی راھێنەرەکان لە لایەن یەکێتییەکەمان باوەڕپێکراو نابێت.
٦- لە یاری نێوان ھەڵۆ و ھەڵەبجەی شەھید لە خولی پلەیەکی کوردستان، بە ھۆی بەکارھێنانی یاری ئاگرین و ترسناک لە لایەن ھاندەرانی یانەی ھەڵۆ، بڕیاردرا بە غەرامەکردنی یانەی ھەڵۆ بە بڕی ٢٥٠,٠٠٠ دوو سەد و پەنجا ھەزار دینار.
٧- پەسند کردنی ئەنجامەکانی خولی نایابی لاوانی کوردستان بۆ وەرزی ٢٠١٩/٢٠٢٠ بەمشێوەیەی خوارەوە:
ڕ- یانەی پێشمەرگەی ھەولێر ـ پلەی یەکەم.
ب- یانەی زێرەڤانی ـ پلەی دووەم.
ت- دابەزینی ھەردوو یانەی (زاخۆ و ئاڵا) بۆ خولی پلەیەکی لاوانی کوردستان.
٨- پیرۆزبایی لە ھەردوو یانەی پێشمەرگەی ھەولێر و زێرەڤانی دەکەین، سوپاس و پێزانین بۆ سەرجەم یانەکان و ناوبژیوانان و سەرپەرشتیاران و راھێنەران یاریزانان و جەماوەری وەرزشی یانەکان و راگەیاندنکارانی وەرزشی، بە ھیوای سوود و دەستکەوت بۆ بناغەی تۆپی پێی کوردستان و سەرخستنی یاریزانانی لاو بۆ تیپەکانی پێشکەوتووان، دووبارە سوپاسی ھەموو لایەک دەکەین.
٩- ھەر یاریزانێک دەستبەرداربوون (استغناْ) وەربگرێتەوە، پێویستە دەستبەرداربوون و ناسنامەکەی رادەستی یەکێتی تۆپی پێی کوردستان بکاتەوە، بە پێچەوانەوە گواستنەوەی بۆ ناکرێت.
١٠- بڕیاردرا بە راگرتنی ناوبژیوانی ناوەڕاست (توانا عوسمان) بۆ یەک ھەفتە، ئەمەیش بە ھۆی ھەژمارکردنی لێدانێکی سزای نادروست لە یاری نێوان ئاکرێ و چەمچەماڵ لە خولی پلەیەکی کوردستان.
١١- بڕیاردرا بە راگرتنی ناوبژیوانی ناوەڕاست (محەمەد عەبدولرەزاق) بۆ یەک مانگ، ئەمەیش بە ھۆی ھەژمارکردنی لێدانێکی سزای نادروست بۆ یانەی زێرەڤانی لە یاری نێوان زێرەڤانی و سۆران لە خولی نایابی کوردستان.
١٢- بڕیاردرا بە راگرتنی ناوبژیوانی ناوەڕاست (ھێمن مەحموود) بۆ یەک ھەفتە، ئەمەیش بە ھۆی ھەژمارکردنی لێدانێکی سزای نادروست بۆ یانەی نەورۆز لە یاری نێوان نەورۆز و دەربەندیخان لە خولی نایابی کوردستان.
١٣- نووسراوی یانەی نەورۆز بە ژمارە ١٠ لە رێکەوتی ٢١/١/٢٠٢٠ (بڕیاری ناوبژیوانی یاری نێوان ھەولێر و نەورۆز لە خولی نایابی کوردستان دروستە، بە رێنمایی روون لە پەڕاوی یەکێتییەکەمان ھاتووە، کە پێویستە ژمارەی سەر درێسی یاریزانان لە پشتەوە بە نووسینێکی روون یان بە دوورین دیار بێت).
١٤- راپۆرتی سەرۆکی یەکێتی تۆپی پێی کوردستان (سەفین کانەبی) تایبەت بە بەشدارییکردنی کۆبوونەوەی ساڵانەی کۆنیفا لە لەندەن خوێندرایەوە، وێڕای پیرۆزبایی لە بەڕێزیان بە دووبارە دەرچوونەوەی بە ئەندامی جێبەجێکاری کۆنیفا، بڕیاردرا بە:
• بەشدارییکردنی ھەڵبژاردەی یەکەمی تۆپی پێی کوردستان لە پاڵەوانیەتی کۆنیفای ٢٠٢٠ لە مەقدۆنیا، کە بڕیارە لە ٣٠/٥/٢٠٢٠ بەڕێوە بچێت.
• چوار ناوبژیوانی کوردستان بەشێک لە یارییەکانی پاڵەوانیەتی کۆنیفای ٢٠٢٠ بەڕێوە دەبن.
١٥- چالاکییەکانی یەکێتی تۆ پێی کوردستان لەم ھەفتەیە بەمشێوەیەی خوارەوە دەبێت:
• رۆژی چوارشەممە رێکەوتی ٥/٢/٢٠٢٠ خولی پلەیەکی کوردستان.
• رۆژی پێنجشەممە و ھەینی ٦ و ٧/٢/٢٠٢٠ خولی نایابی کوردستان.
یارییەکانی رۆژی پێنجشەممە ٦/٢/٢٠٢٠
دھۆک × دەربەندیخان
پێشمەرگەی سلێمانی × ھەولێر
یارییەکانی رۆژی ھەینی ٧/٢/٢٠٢٠
نەورۆز × سۆران
برایەتی × ھەندرێن
زێرەڤانی × سیروانی نوێ
شێروانە × پێشمەرگەی ھەولێر





ئەم هەواڵە 4735جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad