English | عربی | Kurdî دواهەواڵ
ڕاستەوخۆ  
 
هشیار عبدالله : حکومەتا هەرێمێ جادەیەکێ بۆ سلێمانیێ ب ڕەوا نابینیت ..!
2020-02-03 [10:02 AM]

نڤیسینا : غیاس خالد زێباری


ئەڤە نە گۆتنا کەسەکێ نەخووندەوارە ، نەژی کەسەکێ دوور ل راگەهاندنێ و سیاسەتمەدار و دەسهەڵاتدارا ، ئەڤە ئەندامێ جڤاتا نوونەرێن ئیراقێ یە ، نڤیسەر و رۆژنامەڤانە . 
ئانکۆ کەسەکێ نێزیکی دەسهەڵاتێ و دەسهەڵاتدارایە و راستیا ڕەفتار و سەرەداریێن وان دزانیت و پێتڤی یە کەسێن بڤی ڕەنگی راستیێ بگەهیننە خەلکی ، نەک ڕاستیێ لپێش چاڤێن خەلکی بەزر بکەن...!  
لێ دیارە ئەڤ هشیارە تنێ بناڤ هشیارە ، نە چاڤێن وی راستیا دبینن ، نەژی گوهێن وی ئاگاهــ ل راستیا هەیە ، نەژی دلێ وی هەمبێزا راستیان دکەت ..!   بێ گۆمان وان راستیا وان کار و خزمەتێن ئەوێن ژلایێ پارتی و حکومەتا بسەرۆکاتیا پارتی پێشکێش دکەن .. 
ئەز باوەرم هشیار عبداللە باشتر ل من و زۆرینەیا هەرە زۆرا خەلکێ کوردستانێ دزانیت ، کۆ حکومەتا هەرێما کوردستانێ لسەر دەستێ پارتی دووجاران پارە بۆ مەزاختنێن جادا سەد مەتری یا باژارێ سلێمانیێ مەزاختنە ، جارا ئێکێ(  چار سەد و شێست و نەهــ ملیون و نەهــ سەد مەلیون )  ل ساڵا ۲۰۱۳  و ژلایێ ( عیماد احمد ) جێگرێ سەرۆک وەزیرێ وی سەردەمی هاتیە ڤەکرن ، لێ ژلایێ دەسهەڵاتدارێن وێ دەڤەرێ ڤە بێ سەرۆ و شوین کریە ..! 
جارا دوویێ ژی دیسان پارە بۆ هاتیە مەزاختن ، ب هەمان ڕێکڤە چوویە ..! 
 ئەرێ بۆچی ، ئەڤ هشیارە و هشیارێن وەکی وی ڤان ڕاستیا نابینن ، کۆ ئەرکێ وانە دیڤچوونێ لێ بکەن و بزانن بەرپرسێن کێ حزبێ داهاتێ وان پرۆژان بۆ بەرژەوەندێن تایبەت ووندا دکەن ..! 
لسەر ڤێ چەندێ را وە دڤێت حکومەتا هەرێمێ تاوانبار و خەمسار ببینن ، ئەگەر تاوانبار و خەمساری هەبیت ، ئیدارا وێ دەڤەرێ یە ، ئەو ئیدارا ٤۸٪ بودجێ گشتیێ هەرێمێ بۆ دهێتە مەزاخست ، ژبلی داهاتێ  سنووری و ناڤخۆیی . ئەگەر چاڤێن خۆ لێ بمقینن ، ئەو تشتەکێ دی یە ..!
بۆچی ئەڤە ل دەمەکی یە کۆ چەندین پرۆژێن مەزن ژلایێ ئیدارا هەولێرێ هاتنە بجهــ ئینان ژ وانا جارا ( ۱٥۰ ) ی . 
یان چاڤێن وە بڤێ پێشکەفتنا ل هەولێرێ ڕانا بیت و وە دڤێن مینا سلێمانیێ لێ بهێت ..! 
 ئەگەر پارە نەگەهیتە سلێمانیێ ، ئەرێ بۆچی پارە بۆ وێنە و پۆستە و ئاهەنگا ....  هەیە .
راستە حکومەتا هەرێمێ ژی یا تاوانبارە ، و تاوانا وێ ئەوە ، ئەو دز و گەندەلکارێن پارێ بۆ پرۆژان مەزاختی چ چارە و ڕێک و پر بن ، یان یێن پرۆژێن پایتەخت کرنا سلێمانیا پایتەختێ ڕەوشەنبیری ، بۆ رایا گشتی بەرچاڤ نەکرن و نەبرنە بەردەم یاسایێ و لێپرسینێ ..! 
ڕەنگە ئەڤە ژی ژبەر هەستیاریا ڕەوشا سیاسی بیت ، لێ پێتڤی یە هشیار خەلکی هشیار بکەن ، نەک جادا کوردستانی بکەنە شکەفتا ( اصحاب الكهف ) بۆ ڤەشارتنا دزی و گەندەلی و نەدادوەریا دەڤەرا ( سەۆزنیلی )  و هەمی راستیێن خزمەتێن دەڤەرێن هەولێرێ و دهۆک ئەوێن ب چاڤێن خۆ دبین ، ب خەون و خەیا ببینن . 
هۆن د هشیار بن یان د خەو حکومەتا هەرێما کوردستانێ ب سەرۆکاتیا مەسروور بارزانی ،  دێ پرۆژە و کارناما حکومەتێ  کۆ پڕانیا وێ  پارتی ژێدەرە  دێ بجهــ هێت ، ئەوژی کوردستانەکا بهێزە ، ژلایێ سیاسی و ئێمناهی و ئاڤەدانی ، ئابوورێ و چاکسازی .





ئەم هەواڵە 3637جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad