English | عربی | Kurdî دواهەواڵ
ڕاستەوخۆ  
 
گرێبەستی سەدە دەبرێتە ئەنجوومەنی ئاسایشی نێودەوڵەتی
2020-02-04 [07:41 AM]

ZNA- هه‌ولێر


لەسەر داوای ئەمریکا، رۆژی پێنجشەممە 6-2-2020، ئەنجوومەنی ئاسایشی نێودەوڵەتی بۆ گفتوگۆکردن لەگەڵ جارید کۆشنێر، راوێژکاری دۆناڵد ترەمپی سەرۆکی ئەمریکا و هاوسەری ئیڤانکای کچی ترەمپ، کۆ دەبێتەوە.

گفتوگۆکردنەکە لەبارەی گرێبەستی سەدە دەبێت، کە دۆناڵد ترەمپ بە فەرمی رایگەیاند و پرۆژەیەکە بۆ ئاشتەوایی لەگەڵ ئیسرائیل و کۆتاییهێنان بە کێشەی فەلەستین.

پێشتر جارید کۆشنێر رایگەیاندبوو، کە چەند مەرجێکیان داناوە و ئەگەر فەلەستینییەکان پێوەی پابەند بن، ئەوا ئەمریکا پاڵپشتیی دروستکردنی دەوڵەتی فەلەستین دەکات و داواش لە ئیسرائیل دەکات دان بەو دەوڵەتەدا بنێت.

رۆژی سێشەممە 28-1-2020، دۆناڵد ترەمپ بە فەرمی گرێبەستی سەدەی راگەیاند، کە پلانێکی نوێیە و مافی دامەزراندنی دەوڵەت بە فەلەستینییەکان دەدات و قودس (ئۆرشەلیم) وەک پایتەختی ئیسرائیل پێناسە دەکات.

پلانەکە بۆ بەرقەرارکردنی ئاشتییە لە نێوان ئیسرائیل و فەلەستین، بەڵام تا ئێستا فەلەستینییەکان رەتی دەکەنەوە.

بە گوتەی چاودێرانی سیاسی، گرێبەستی سەدە تەنیا تایبەت نییە بە ئاشتەوایی نێوان ئیسرائیل و فەلەستین، بەڵکو زۆربەی وڵاتانی رۆژهەڵاتی ناوەڕاست دەگرێتەوە.

چاودێران پێشبینی دەکەن بەهۆی ئەو گرێبەستەوە، کە ئەمریکا چەند ساڵێکە کاری بۆ دەکات، عێراق بەسەر سێ وڵاتی کوردستان، سوننە و شیعەدا دابەش دەبێت.





ئەم هەواڵە 4420جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad