English | عربی | Kurdî دواهەواڵ
ڕاستەوخۆ  
 
سه‌باره‌ت به‌ كۆرۆنا چین ڕێگە بە شارەزایانی ئەمەریکی دەدات یارمەتیان بدەن
2020-02-04 [12:00 PM]

ZNA - هه‌ولێر


 

وەکو بەشێک لە هەوڵەکانی ڕێکخراوی تەندروستی جیهانی بەمەبەستی ڕووبەڕووبوونەوەی ڤایرۆسی کۆرۆنا، چین ڕازی بووە ڕێگە بە شارەزایانی تەندروستی ئەمەریکی بدات بێنە ناو وڵاتەکەوە سەرەڕای ئەوەی پێشتر ئەمەریکای تۆمەتبار کرد به‌وه‌ی کۆتوبەندی خستۆتە سەر گەشتکردن و هاوڵاتیانی لە چین هێناوه‌ته‌وه‌ ده‌ره‌وه‌، به‌هۆیه‌وه‌ ترس و دڵەڕاوکێی لەنێو خەڵکدا بڵاوکردۆتەوە.

وتەبێژی کۆشکی سپی جود دییەر وتی " چین بە پێشنیارەکەی ئەمەریکا ڕازیبووە بۆ ڕەوانەکردنی کۆمەڵێک شارەزای تەندروستی بۆ چین بە هەماهەنگی لەگەڵ ئەرکێکی ڕێکخراوی تەندروستی جیهانیدا، ئەمەش بەمەبەستی ڕووبەڕووبوونەوەی ڤایرۆسەکە."

ڤایرۆسی کۆرۆنا سەرەتا لە شاری وهان لە چین سەریهەڵدا و کۆمسیۆنی تەندروستی نیشتیمانی ڕایگەیاند ژمارەی گیان لەدەستدانەکانبەهۆی ڤایرۆسەکەوە گەیشتۆتە 361 کەس.

وهان و کۆمەڵێک شاری دیکەی چین داخراون، زۆربەی حکومەتەکانی جیهانیش سنوورەکانیان لەبەردەم هاوڵاتیانی چیندا داخستووە، هەروەها ترسی ئەوە هەیە ئابووری چین بەرەو خراپ بوون بڕوات.

لەلای خۆیەوە چین ئەمەریکای تۆمەتبار کرد بە تۆمەتی بڵاوکردنەوەی ترس بەوەی کە هاوڵاتیانی لە چین دەهێنێتە دەرەوە و کۆتوبەندی خستۆتە سەر گەشتکردن.

وتەبێژی وەزارەتی دەرەوەی چین هوا چونینگ بە ڕۆژنامەنووسانی وت " واشنتن ترس و دڵەڕاوکێی بڵاوکردۆتەوە بەوەی کە هاوڵاتیانی لە چین دەهێنێتە دەرەوە و کۆتوبەندی خستۆتە سەر گەشتکردن بۆ ئەمەریکا."

 

VOA





ئەم هەواڵە 3535جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad