English | عربی | Kurdî دواهەواڵ
ڕاستەوخۆ  
 
سینات ده‌یه‌وێ، ترامپ ده‌سه‌ڵاتی هەڵگیرسانی شه‌ڕی نه‌بێت
2020-02-13 [10:31 AM]

ZNA - هه‌ولێر


 

ئەنجومەنی سیناتی ئەمەریکا تاوتوێی پڕۆژە یاسایەکی کرد تیایدا دەسەڵاتەکانی سەرۆکی ئەمەریکا دانۆڵد ترامپ بۆ هەڵگیرسانی جەنگ دژی ئێران سنووردار دەکات، له‌مباره‌یه‌وه‌ ژماره‌یه‌ك له‌ كۆمارییه‌كان چوونه‌ته‌ پاڵ دیموكراته‌كان.

 پڕۆژە یاسایەکه‌ ڕێگە خۆشدەکات بۆ ئەنجامدانی دەنگدانێک لە سه‌ر سنووردارکردنی دەسەڵاتەکانی سەرۆک ترامپ كه‌ تا ئێستا هەشت ئەندامی کۆمارییەکان چوونەتە پاڵ دیموکراتەکان.

پڕۆژە یاساکە سەرۆک ترامپ ناچار دەکات ئەو هێزانەی ئەمەریکا بکشێنێتەوە کە دژی ئێران جێگیرکراون هەتا ئەو کاتەی کۆنگرێسی ئەمەریکا بڕیاری هەڵگیرسانی جەنگ دەدات یاخود مۆڵەتێکی دیاریکراو بۆ بەکارهێنانی هێزی سەربازی دەدات.

ئەو کۆمارییانەی کە دژی پڕۆژە یاساکەن بە سەرۆک ترامپیشەوە دەڵێن پەسەندکردنی پڕۆژەکە پەیامێکی هەڵە بۆ تاران دەنێرێت.

سەرۆک ترامپ لە تویتەر وتی " زۆر گرنگە بۆ ئاسایشی وڵاتەکە کە ئەنجومەنی سینات پڕۆژە بڕیاری سنووردارکردنی دەسەڵاتەکان بۆ هەڵگیرسانی جەنگ دژی ئێران پەسەند نەکەن. کارێکی زۆر باشمان کردووە لەگەڵ ئێراندا و ئیستا کاتی ئەوە نیە بێهێزی پیشان بدەین."

لە وەڵامی سەرۆک ترامپدا سیناتۆری دیموکراتەکان تیم کەین لە کۆنفرانسێکی ڕۆژنامەوانیدا وتی " پەیامی هەڵە نانێرین کاتێک پشتیوانی لە فەرمانڕەوایی یاسا دەکەین."

کەین وتی " ئەوە پەیامی بەهێزییە بەتایبەتیش بۆ ئەو کەسانە دەدوێت کە لە سەرتاسەری جیهاندا لەسەر شەقامەکان خۆپیشاندان دەکەن، چونکە فەرمانڕەوایی یاسایان دەوێت."





ئەم هەواڵە 2851جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad