English | عربی | Kurdî دواهەواڵ
ڕاستەوخۆ  
 
سوودەكانی كاهو و گێزەر بزانە
2020-02-15 [09:31 AM]

ZNA - هەولێر


سەرەڕای ئەوەی كاهو و گێزەر لەو خۆراكانەن كە دەوڵەمەندن بە ریشاڵ و ڤیتامینە بە سوودەكان بۆ جەستە، ئەو مادە خۆراكیانەیشیان تێدایە كە لەناو خۆراكە نیشاستەدارەكانی وەك نان و برنج-دا هەیە. 

 
بەپێی زانیاریی رێكخراوەكانی خۆراك لە ویلایەتە یەكگرتوەەكانی ئەمریكا، كاهو و گێزەر پێداویستی رۆژانەی جەستە لە كاربۆهیدرات دابین دەكەن.
پێگەی هێڵسی ئیتنگ بڵاویكردووەتەوە، رۆژانە خواردنەوەی دوو كوپ و نیو لە ئاوی سەوزەوات  نزیكەی دوو هەزار یەكەی گەرمی بە جەستە دەبەخشێت، ئەو بڕەیش بۆ كەسێكی پێگەیشتوو بەسە.

وەزارەتی كشتوكاڵی ئەمریكا، رایگەیاندووە، كوپێك گێزەری وردكراو 11 گرام كاربۆهیدرات بۆ جەستە دابیندەكات و یەك كوپ گەنمەشامی، كە دەوڵەمەندە بە نیشاستە، 27 گرام كاربۆهیدراتی تێدایە. یەك كوپ كاهوی وردكراویش گرامێك كاربۆهیدراتی تێدایە كە سەرچاوەی سەرەكیی وزەی جەستەیە.

پسپۆرانی خۆراك دەڵێن: "دەبێت رۆژانە منداڵ و گەورەیش 130 گرام كاربۆهیدرات وەربگرن. ژنانی دووگیانیش بەلایكەمەوە دەبێت 175 گرام كاربوهیدرات وەربگرن و ئەو ژنانەی شیردەدەن دەبێت بڕی 210 گرام لە كاربۆهیدرات رۆژانە وەربگرن. خۆئەگەر بەردەوام وەرزش بكەیت ئەوا دەبێت رۆژانە لەو بڕە زیاتر وەربگریت.

بەپێی توێژینەوەیەكی زانكۆی براون-ی ئەمریكی، دەبێت ئەو كەسانەی وەرزش دەكەن رۆژانە 65% یەكەی گەرمی لە كاربۆهیدرات وەربگرن كە دەكاتە 325 گرام و پێویستە بەشێوەیەكی رۆژانە  دوو هەزار یەكەی گەرمی وەربگرن.





ئەم هەواڵە 6772جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad